السلام عليكم أخواتي الكرام
اليوم جبتلكم وصفة (جزائرية) بسبوسة و راني من سنين نديرها دارتها حورية المطبخ جزائري أظن و هي بدون بيض و ذوقها كالقلب اللوز
المقادير:
2 كؤوس سميد خشن شوية
كاس زيت بصح مانعرمروهش
كاس سكر
علبة ياووغت تاع مشماش او خوخ
شوية جوز الهند
1 خمارة حلوى
كاس حليب بارد و ما تعمريهش
و صينية فرن مثل اللي في الصورة هاديك الصغيرة


نخلط المواد الجافة ثم نضيف المواد السائلة و نخلط الكل و راح يجينا شوية سائل ثم نفرغه في الصينية و ندخله لفرن مسخن مسبقا ثم انقصولو و نخلوه يطيب على مهل حتى يحمار من فوق و باش نتأكد انو طاب ندخل فيه موس و نخرجوه ايلا خرج ناشف راه طاب





و هادا شكلها بعد طهيها يم يم ريحتها اجي زااااااكية


و الان نحضرو الشربات
2 كاس سكر و يكون نفس الكاس اللي عبرنا بيه من قبل
كاس ماء
نديروهم على النار و كي يبداو يغلو نزيدولهم مغرف كبيرة عسل و شوية ماء زهر و نحرك و نطفي




و نشرب بيها البسبوسة و هيا سخونة ثم نخليها تبات باش تشد روحها و كي تشرب مليح باش نقطعوها
انا هنا راني قطعتها باش نوريهالكم كنت مقلقة على داك الصور خرجو شوية مش واضحين




و بالصحة عليكم

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©