السلام عليكن احلى اخوات

حلى السهرية الي نقدمهالكم اليوم غنية عن التعريف
ويعملوها الجزائريين من زمان وهي

القطايف
ومؤخرا عدنا نديروهم في قوالب ويسموهم
قوالب العثمانيين

والقطايف يختلفو عن الكنافة الي تباع في السيبرماركت يتعملو في البيت بلمبوط سبيسيال

اليوم جبتلكم الوصفة (جزائرية) اجو هايلين
المقادير
خبزة قطايف
ليدام سمن وزيت
الحشوة
2كيلات لوز او كاوكاو
نصف كيلة سكر عادي
فاني

طريقة التحضير

نخذ القطايف نحلهم شوية بلا مانقطعهم
نذوب السمن ثم نظيف عليه الزيت والكمية ماشي محدة لازم القطايف يتيدمو مليح لانهم رايحين يتقلاو في ليدام في الفرن

شوفو كيفاش ميدمين




نعمل كمية من القطايف +كمية من الحشوة ماشي مشمخة اجي هكذاك +ثم نغطيهم بكمية اخرى من القطايف




نحطوهم يطيبو في فرن مسخن حرارة من التعليم المتوسطة ونطلعوهم للاعلى
كيطيبو وياخذو اللون الذهبي ننزعهم وننزع ليدام الزايد منهم
مقادير الشاربات
250غ سكر عادي
نصف رتل ماء
عود قرفة
عصير نصف ليمونة

يغلي 10دقائق
تكون ماشي ثقيلة بزاف وماشي خفيفة بزاف من التعليم المتوسطة



ثم ننزعه من النار ونضيف عطر ماء الزهر

نترك الشاربات تبرد
غير يطيبو نشربهم سخونين بشاربات باردة
شربوهم مليح لانهم يشربو الشاربات


طريقة التقديم








تحياتي للجميع

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©