السلااام عليكم

اليوم أحببت نقدملك les tartellet royel لأفراحكم

هذي درناهم في دورة تعليم الحلويات تقدمهم سيدة في منطقتنا و جاو روعة ما شااااء الله



اليكم الوصفة (جزائرية)

المقادير

3 كيلات فرينة + مغرفة صغيرة فاني + قرصة ملح + 3/4 مرغرين ذايبة و باردة شوية و نضيفولها 1/2 كأس تاي ماء زهر و 1/2 ماء

لعجينة تكون طرية و نحلوها و نديروها في مشينة 2/4/6... نحلوها قبل الاخيرة

الحشور :

250غ لوز بالقشور و نرحيوه + 250 سكر حرش + ملعقة صغيرة عطر البندق + مغرفة فاني + 4 الى 5 بيض تكون من التعليم المتوسطة

طريقة التحضير :
نديرو فرينة + م ص فاني + قرصة ملح نديرو مارغرين ذايبة + ماء زهر و الماء و نلموها .

الحشو : نديرو الوز . و السكر . و البيض . و عطر البندق و الكراميل و نخلطوه مع البيض باه يتحلل و نخلطوا

عقبي لعجينة في 6 و من بعد 1.2.4.6 .8.
قطعي العجينة على حياب المول رقم 8

و حطي في الكيسات و من بعد عمريها ب la farce و نزينيها بالمكسرات مدة 20 د في درجة 120°
و من بعد ما يطيبو نعسلوهم

ان شاء الله تنا اعجابكم

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©