السلام عليك أخواتي
جبتلكم اليوم قاطو ياسر بنين و مجرب و مضمون 100/100
نبدى على بركة الله
ساندوو
كاس زيت+3حبات بيض كاملين+2باكيات خميرة نوارة +6مغارف كبار عسل+2 كيسان سكر قلاص +شوية لفاني ولمي بالفرينة تكون سائلة ماش ختى تولي عجينة اوكي ديريها فالسنيوة مدهونة ومرشوشة بالفرينة واحكمي زيت وغطسي لمغرفة فيه وجوزي على السنيوة باه تستوى ان شاء الله تكونو فهمتو وكي تطيب وهي تجي طرية بزاف خليها تبرد باه متتفتتش من بعد قطعي مستطسلات ومن بعد اغطسيها فالشكلاطة االدائبة اي اللي دوبتيها في حمام مريم من بعد رمديها فالقوفريط ديريها تنشف شوية من بعد حطيها فليكيسات وشهية طيبةو اليكم الخطوات المصورة
هذا شكل العجين

هنا بعدما قطعته و حطيتو في الشوكولا و القوفريت

و لأكون صادقة معكم كانت بنتي الصغرى تبكي و العمل بالشوكولا و القوفريت كان مطوّل
فاختصرت الوصفة (جزائرية)
و دهنت وجه الحبة بالمربي و غطست الوجه فقط في القوفريت
وكان هذا شكلها

أحلى و أبنّ على حسب قول أبو الأولاد

و لانو عجبني صورتو من كل الجهات

أتمنى ان يعجبكم كما أعجبني و تجربوه
و اعذرو رذاءة تصويري كان ليل و الوقت متأخر
انتظر آرائكم
سلامي

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©