السلام عليكم ورحمة الله وبركاته
اهلا بكم احبائي ان شاء الله تكونوا بخير
اليوم جبتلكم مسكوتشو بالخبز اليابس
واقيلا جامي سمعتو بيها
حنا نرميو نرميو الخبز اليابس علاه مانستفادوش خير ونديرو بيه حاجة
انا اليوم جيت ندير مسكوتة مالقيتش الفرينة قلت نديرها بالخبز ونشوف
اول حاجة لازم نديروها هي الشاربات باه نديروها تبرد وتكون واجدة
انا درت
4 كيسان ماء
2 كيسان سكر وطرونش قارص
لما يعقد حطيه يبرد
وابداي ديري المسكوتشو تاعك
المقادير
4بيض
12ملعقة كبيرة سكر ماشي معمرة بزاف
8ملاعق زيت
8ملاعق حليب
2 خميرة
فاني
13ملاعق خبز يابس مرحي ومحمر شوي
3ملاعق فرينة
كوكاو اذا كاين
التحضير
نخلط البيض مليح ثم نضيفلو السكر
ثم نضيف الزيت والحليب ونخلط
ثم نضيف الخبز والفرينة والخميرة والفاني وانت وعينك
نضيف شوي كوكاو ان امكن اذا ماكانش ماديريش
نم ندهن البلاطو بالزيت
ونفرغ الخليط ونرش فوقه الكوكاو وندخله الفرن مسخن مسبقا من تحت
بقاتلي شوي درتها هنا
ندخلها ال فرن لما تحمار من تحت وتطلع وتنشف ندخل موس فيها اذا اخرجناه ناشف يعني طابت ونشعل لها من فوق لتحمار
بعد ما تحمار نخرجوها ونشربوها بالشاربات لي حضرنا لازم يكون بارد
نسيت باه نصورها وهي مقطعة
جربوها وماراح تندمو امانة ليكم
بنينة بزاف انا كي عجبت تاع الدار صرت كل مرة نديرها
واي استفسار راني هنا
ادعيولي ربي ينجحني في الباك نتاعي و يعجلي في امري
والسلام عليكم
رد مع اقتباس
