السلام عليكم
لبارح كان عيد ملاد أخي ربي يطول عمرو
و عملتلو طرطة ببعض الأفكار منها المؤخوذة من المنتدى
و جات رائعة
فحبيت تشاركونا فرحتنا و تشوفوها
اما المقادير
انا دائمة نستعمل في الطورطات طريقة البسكوي رولي
تجي هشيشة و رائعة و متساوية لكي اتفادى طريقة تقطيع الطبقات
لهذه الطرطة احتجت
سوف اعطيكم مقادير طبقة واحدة و انا اعدتها 3 مرات لأنني عملت 3 طبقات
5 حبات بيض
90 غ سكر
75 غرام فرينة
فاني أو كاكاو
عملت البيض مع السكر و شوية ملح ضربتهم مليح حتى يصيرو مثل الميرانغ نزيدو كمية الفرينة و الفاني حسب نوعية الفرينة
انا هذا المرة اضطريت نزيد في الطبقات البضاء اما في السوداء مازدتش الفرينة لاني وضعت الكاكاو عينط ميزانك
نضع و رق الزبدة فالبلا و نصبو الكمية الاولى ثم نضعها في الفرن المسخن مسبقا ثم الثانية و الثالثة
و هكذا حتى نتتهي نحط كل واحدة و حدها و نغطوهم و نحطهم على الجنب
كنت حضرت الرسمة بطريقة الرسم على الطلاطات التي اخذتها من المنتدى أيضا
http://www.dzbatna.info/vb/showthread.php?t=1140182
انا استعملت شوكولا بيضاء و لونتها و حطيت صورته و حاولت ارسم فوقها
و حضرت ايضا عجينة المارشمالو اللي زينت بها الجوانب و كتبت بها الاسم
و كذلك كريمة الزبدة و طريقتي
كأس ماء و كأس سكر فوق النار حتى نتحصلو على السيرو يكون عاقد نخلوه يبرد و نديرولو وحدة صفار بيض نضربو ثو نزيدو المالغارين بالقطعة حتى نتحصلو على كريمة انا درتلها الكاكاو لأني احتجتها سوداء راني استعملت البيترا راهو ساعدني بزاف
حضرت ايضا كرام شونتي
و سيرو مخفف
و قطعت الأناناس قطع صغيرة و الموز دوائر
ههه كلش راه ةاجد نبداو نزينو
جبت الطبقة البضاء درتلها السيرو بالبانسو و من بعد لاكرام اوبار و فوقها درت الأناناس مقطع
ثم زدت السوداء و كذلك السورو ثو لاكرام و الموز
و الان الطبقة الأخيرة البيضاء و نديرو السيرو غير شوية و نغطوها كامل بالكرام ختى الجوانب
حايت المارشمالو فوق الرخام مرشوش بالسكر رطب عملت نصف دائرة بالورق و بديت نقص بالجرارة
ثم لسقتها فالجوانب اكيد من الصورة غاد تفهمو
من بعد جبت الصورة المعمولة من الشوكولا و حطيتها فوق الطرطة و قسيت صورة حقيقة له لي رسمت عليها و درتها بجانبها ثم زينت بالكران فراش و قلوب كنت عملتهم من الشوكولا و كذلك عملت قلوب من الموز و ووضعت حروف اسمو لي عملتهم من عجينة المارشمارو و لسقت الشمع
ان شاء الله يكون الشرح مفصل وافي
و اي سؤال انا موجودة
نخليكم مع الصور
وحنا لما شعلنا الشمعة 13 لحقوبة ل 100
و هذه بعد التقطيع شوفو شكلها من الداخل
و هذا لأول وحدة نرد
ان شاء الله تعجبكم
و انا انتظر رأيكم و ردودكم
تقبلو تحياتي
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
