السلام عليكم اخواتي اليوم جبتلكم وصفة (جزائرية) جديدة ورائعة وصدقوني مذاقها رائع بزاف بزاف

المقادير:

الطبقة الاولى:

125غ زبدة طرية,100 غ سكر,2بيض,ملعقة فانيليا,2 ملعقة خميرة كيميائيةdl 1 ,lحليب اي ما يعادل ml100 ..
فرينة 1 dl ونصف= 10 ملعقة اكل فرينة

الطبقة2,المورانغ:

2 بياض بيض .150غ سكر,ملعقة صغيرة فانيليا,لوز مورق...انا حطيت مكسرات معنديش المورق

الكريم شانتيي:طلعي الكريم ديالك وضفيلها السكر على حسب ذوقك انت و زيدي ضيفي الفانيليا

طريقة التحضير:

نسخن الفرن على180 درجة مئوية

نضرب الزبدة الطرية مع السكر و سكر الفانيليا حتى تولي على شكل كريمة,نضيف البيض تدريجيا ومن بعد نضيف الحليب الدافئ..لازم دافئ حتى ماتجمدش الزبدة
نضيف الفرينة مع الخميرة

من جهة اخرى نحضرو المورانغ بضرب بياض البيض حتى يطلع مليح من بعد نضيف السكر تدريجيا و نضيف سكر الفانيليا

نحط ورق خاص بالفرن على السنيوة وندهنوه بشوية زيت ونحط الخليط فيه

نحط المورانغ على الطبقة 1 (لازم تتغطى مليح الطبقة 1)

نحط من فوق اللوز المورق

نحطوها في فرن لمدة 20-25 دقيقة

نخلوها تبرد مليح ونقسموها الى قسمين(ماصورتش هذا المرحلة) قسميها بسكين الخاص بالخبز

نحط الكريم شانتيي عل القطعة 1 ونحط الفراولة من فوق ومن بعد نحط القطعة 2للكعك

حطيها في الثلاجة واستمتعي بالمذاق الرائع مع عائلتك و احبابك

ملاحظة:تقدري تستعملي فاكهة اخرى كالكيوي ,الموز, لكن انا افضلها بالفراولة

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©