هذه طريقة سهلة لصنع الكب كيك بالشوكولا أو بأي نكهة تحبونها المهم نعملهم بالكريم ديسير أو أي نكهة أخرى من الياوورت، وفي هاد الوصفة (جزائرية) مانحتاجش للباتور أو بيتخان فقط ب (mixeur) تع العصائر أو (le fouet) و الكيل لي نكيل بيه هو الباطا تع الكريم ديسير
و بصراحة هاد الكب كيك سهل جدا ومايحتاجش لتزيين لأنه راح ينتكل مع القهوة
بسم الله
المقادير :
باطا كريم ديسير
3 بيضات
2 كيلة سكر
كيلة زبدة ذائبة (أو زيت)
ملعقة صغيرة فانيليا
2 ملاعق خميرة كيميائية
2 كيلة و نصف فرينة
نصف كيلة كاكاو
أنا بلا ما كيلت الفرينة يعني حولي 2 كيلات و نصف إلى 3 كيلات كي تشوفيها ما جارية و ما يابسة
الطريقة :
نضع في الميكسور الفرينة المنخولة و الفانيليا والسكر و الخميرة الكيميائية والكاكاو نخلطهم خلط خفيف باش يمتزجو مع بعضهم ثم نضيف الكريم ديسير و البيض حبة حبة ثم الزيت وتخلطهم شويا حتي يتداخلو في بعضهم و يولي الخليط كيما في الصورة
ثم نضعها في أكياس ورقية أنا كانو عندي أكياس ورقية صغيرة شويا مشي هادوك لكبار فستعملتهم ، وندخلهم لفرن مسخن مسبقا 160/180 درجة نخليها تطيب ما بين 12 إلى 15 دقيقة
هنا بعد مرور حوالي 13 دقيقة خرجتهم
وفي الأخير التزيين البسيط بالسكر الناعم رشيت شويا مالفوق و هاد المقادير تخرج حوالي 14 حبة، و بالصحة والهناء
هادي الحلوة المفضلة عندي مع القهوة و ساهلة التحضير نشالله تعجبكم
رد مع اقتباس
