سلام ياعزيزاتي فردا فردا

بعد تجربتي الاولى في تورتة عيد ميلادي المرعبة ههههه
أعدت التجربة بتحدي كبير وقلت انو التجربة الفاشلة تكون بداية تجربة ناجحة بما فيها من تحديات
والحمدلله كنت عند هاد التحدي ودرت تورتة عيد ميلاد زوجي واتقنتها بكل حب المستمد من حبي له
والصور احسن تعبير. نخليكم انتم تحكمو واذا عجبتكم نتمنى تقيموني لأني فرحانة بالنجاح وفرحت زوجي







وهاد الصور التالية تفننت في وضع مؤثرات تصويرية من فرحتي بنفسي ههه ماتلومونيش







وهاد الفواكه في الكاس درتها خصيصا للبوبون تاعي وحطيت معاهم كوجاكات باش يتحمس ياكلهم ويشرب العصير اللي معاهم هههه





بالنسبة للاجينواز درت تاع الاخت فلة
اذا عجبتكم قيموني راني جبتها من الضهر وانا نصغر في حجم الصور باش تسهل عليكم المشاهدة هههه

للاخت اللي طلبت الطريقة تفضلي نسخت المقادير لأني لم اجد الرابط. هدي العجينة اللي استعملتها
[المقادير:

*4 حباة بيض /*100غ سكر عادي /*150غ فرينة /*قرصة ملح /*باكي لالوفوغ levure chimique /*لافاني

نخفق البيض من السكر و قرصة ملح حتى يتكاثف الخليط زيدي لافاني
من بعد دخلي الفرينة و levure chimique مسيرا على 3 مرات و خلطي بالسباتولا غير بشويا

من بعد فرغيها في سنيوا تكون مدهونة بالزبدة و الفرينة باش ماتلصقش

خليها طيب 15/20 دقيقة حتى تحمار و قبل ما تنحيها اثقبيها في الوسط بالموس اذا خرج ناشف معنتها طابت
وبالنسبة للكريمة انا درت
200 غرام كريم شانتييه وخفقتهم مع 3ارباع كاس حليب بارد جدا جدا فيه شوية جمودية.وقسمت التارت على 2 وسقيتها بعصير ومبعد حطيت الكريمة وحطيت الطبقة الثانية وسقيتها بالعصير وزينتها بباقي الكريمة والفواكه وبالملمع ودهنتها بشوية مربى مشمش مخفف بالماء باش تجي تلمع
وطعمها جا هاايل والحمدلله




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©