السلام عليكم ورحمة الله وبركاته

ماشاء الله عليكم لبنات وعلى مواضيع مقترحة و رسميةكم والله كلها هايلة

انا اليوم جبتلكم طريقة عمل طورطة عيد ميلادي كنت شاركت بيها في مسابقة احسن تزيين للجينواز

واكيد جيت في المرتب الاخيرة
هههههه

مانعرف ماعجبتكمش

المهم جبتلكم الطريقة كالعادة متاخرة لانو نسيتها تماما وكي كنت نحوس في ملفاتي لقيت طريقتها

مالا نبداو بشرح مفصل بسيط ومبعد نخليكم مع الصور

المقادير

ثمانية بيضات
لما نفصل الصفار عن البياض ناخذ نفس الكيل نتاع البيض سكر
نفس كمية السكر نشاء
نص كاس زيت
كيسين خميرة
كيسين فانليا
القليل من مبشور الليمون
فرينة حسب الخليط

للتزيين نستعمل فواكه وكرام شانتيي ونزين حسب الرغبة



طريقة العمل

نطلع بياض البيض وحدو



نضرب صفار البيض ومبعد نضيف السكر ونضربوه ثم الزيت ثم سكر الفانيليا ومبشور الليمون

بعدين نضيف النشاء بلعقال ونضرب



ثم نجيب ملعقة خشبية ونضيف البياض للخليط ونحركو بالملعقة الخشبية وبعدين نضيف الفرينة ونحركو بالملعقة الخشبية حتى نتحصلو على العجينة لي نحبوها







بعدين ندهن المول بالزبدة ونرشو عليه الفرينة ونصب الخليط





ونخلوها تطيب على نار هادئة



بعدين نخرجو كعكتنا ونخلوها تبرد





ونزيوها بلاكرام شانتيي من كل الجهات



ومن الجانب نديرو فيها قاطو بيمو مرحي



ومن فوق نزينو بالفواكه ونكتبو فيها واش نحبو








وهنا صور لكعكة عيد ميلادي ال 24 من كل الجهات واش رايكم فيها نتمنى تكون عجبتكم









وضك غنولي سنة حلوة وطفو معايا الشمع بعد 5 اشهر من عيد ميلادي

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©