بسم الله الرحمن ارحيم
أهلا بي عندكم وأهلا بكم في مطبخ جزائريي
اممم ديما كنت نظل نسرق من عندكم الوصفات جزائرية ههه
ونجرب في صمت هيهيهي
لكنني غرت شوية وداتني الحماسة وسجلت معاكم
باه انا تاني نعود نفيدكم بشوية من وش نعرف
وتاني نعرفكم شوية بتقاليد منطقتنا (الشرق)
وتاني نشارككم بتطبيقاتي اللي ساعات تكون فاشلة 
وساعات تكون 
اليوم قررت نبدأ أول موضوع ليا بحاجة حلوة
وهي "القطايف" حصريا من دارنا 
أي بقات حبة برك ههه أتقاسموها خاوة خاوة
اني قريب ومالحقتش عليها (تالمون بنينة 
)
نبـــــــدأ على بركة الله :
وش لازمك :
العجين : نحتاجو الشعرة (لقطايف) ونستعملوها من فوق ومن تحت
يعني مانحتاجش باه ندير عجينة أخرى (كيما تع لبقلاوة)
الحشو: 3 كيلات من وش متوفر عندك .... جوز لوز كاوكاو كل وحدة وش تقدر ويكونو مرحيين حجم من التعليم المتوسط
كيلة سكر نورمال
ماء ورد باه تبليهم
قرفة وقرنفل للنكهة
شوية زبدة باه ندهنو البلاط وتاني باه ندهنو الشعرة من فوق
وفي الأخير العسل باه نسقيوها
مايكونش ثقيل وماش خفيف بزاف
تحبي تخدميه ولا تشري (أنا استعملت تع فرانسيسكو)
دركا نرجعو للطريقة تع التحضيرنبداو بالشعرة آظن أنو الأغلبية نشريوها كونجلي كيما هكا
نخليوها ذوب بالشوية باه نقدرو من بعدا نحلوها
كي ذوب وتعودي تقدري تفرقيها بيدك
حطي فيها شوية ما ورد (رشيها برك) وافتحي بالشوية
وحاولي ماتقطعيهاش يعني خليها تبقا طويييلة
وحطيها على جنب
نكيلو 3 كيلات من وش حابين نخدمو بيه
انا هنا استعملت لوز وجوز ( اكم تعرفو لجوز او هش عليها مارحيتوش صغير بزاف )
ونضيفلهم كيلة سكر عادي وشوية قرفة وقرنفل (قيس مغرفة تع قهوة)
مايكونش الخليط تاعنا جاري بالزاف
يعني تقريبا كما هكا (وكيما تع الباقلاوة)
نحكمو لبلاط تاعنا وندهنوه بالزبدة الذايبة ملييح ولجوانب وكلش
ونقسم الشعرة على 2 نصف نديرو من تحت والنص لوخر نخليه للفوق
نفرش البلاط كامل بالشعرة بلا مانضغط عليها
وتاني مانتركوش الفراغات لازم تكون مغطية مليح ولحراف تاني نوصلهم مليح
وبعدها نحطو الحشو تاعنا ونحاولو كيفاه نوزعوه بطريقة متساوية وغير بالشوية تاني ومانضغطوش
وفي الاخير نزيدو نغطيو بالشعرة لي بقات كيف كيف لازم نغطيو السطح كل وبطريقة مستوية
ونحاول نرش شوية زبدة من فوق باه يحمار الوجه مليح
وإلى الفرن ... اممم حاولي انو مايكونش سخون بزااااف باه الحشو تاعك مايتعسلش وييبس
وخليها طيب (آآ لمدة ماحسبتش ههه يمكن ساعة)
في هاذا الوقت انتي وجدي لعسل تاعك وخليه دافي
كيما تخرجيها من الفرن اسقيها مباشرة واسقيها مليييح
وخليها تقعد على الأقل يومين باه تقصيها
اسمحولي جبت حبة برك هههه تبهديلة
لمرة لجاية ان شاء الله 
رد مع اقتباس
