اليوم درت تارت بالقارص وقلت ندحطها لمنتدى نتاعي لبنات يشوفوه وكاين مبتدئات على قولة اختي الوهرانية ربي يخليها

مكوناتها ماشي بزاف
نبداو بسم الله
العجينة
125 غ مارقارين مغرفة كبيرة نتاع سكر عادي قرصة ملح حبة بيض لافاني ربع مغرفة صغيرة خميرة حلوى
تبعو الصور
تقطعي الزبدة قطع صغيرة وتكون باردة وتحطي كلشي مع بعض وتخدميها باصابعك برك


كيما راكم تشوفو

تحطي الفرينة بشوية انا حطيت 11 مغرفة كبيرة لازم تكون العجينة طرية وتلميها اذا شفتيها تحتاج فرينة زيدي مغرفة بصح ماتكثريش


تلميها وتحطيها في النيلون وتخبيها في الفريجيدار شوية

هنا توجدي نص لتر حليب 4 مغارف مايزينة او فرينة 6 مغارف سكر عادي لأأفاني تخلطي كلشي مليح وتحطيهم على النار مع التحريك المستمر



حتان تولي ثقيلة هكذا



تعصري 2 حبات قارص

تفرغيها على الكريمة نتاعك اللي طابت وهي سخونة وتحركي مليح



تجبدي العجينة نتاعك تفتحيها بين زوج صاشيات باش ماتلصقلكش



تفرشيها فوق البلاطو بعد ماتكوني رشيتيه بشوية فرينة برك بلا ماتدهنيه



تثقبيها بالفرشيطة
و تحطي ورقة نتاع الطبخ جزائري ولا الامنيوم وتحطي فوقها اللوبيا ولا الحمص باش ماتتنفخش وتدخليها للفرن حتان تشوفيها طابت في الجوانب اجبديها
ونحي اللوبيا اللي حطيتيها مع الورقة وعاودي رجعيهاللفرن تكمل طيابها في الوسط وتنشفبصح ماتطوليش


كي تخرجيها فرغي الكريمة اللي خدمتيها من الفوق وسقميها مليح
زيدي ضربي بياض é2حبات بيض ورشة ملح و2 مغارف سكر تطلع كي الثلج مليح
انا ماطلعتليش مليح خاطرش بنتي هبلتني وكل دقيقة نحبس الباتور حتان هبطلي البياض ولالي ماشي كيما حبيت
وترجعيها للفرن اشعليها من الفوق برك قيس ماتحمار شوية بركعسوها مليح باش ماتتحرقلكش
وتخرجيها


انا هنا زدتلها سكر قلاصي من الفوق خاوتي خكذا يحبوها


هنا قطعتها وهي سخونة باش نحطهالكم وتشوفوها





هنا اقرب


واش رايكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©