السلام عليكم
كنت ندور في الكوزينة و جات في خاطري حاجة حلوة
جبدت الصوالح اللي عندي و شوفو واش درت+




هاهي لا غوسات في خاطر اللي ردو عليا
5 بيضات
كاس سكر
نص كاس زيت
نص كاس حليب
2 مغارف كبار كاكاو
1 خميرة حلوى
فرينة (ما عبرتهاش)
ضربت صفار البيض بالباتور مليح مع السكر
ضربت البياض مع الملح حتى طلع
و من بعد زدت الزيت و الحليب للصفار
و غربلت الفرينة مع الكاكاو و الخميرة زوج خطرات
و بديت ندير مغرف من الفرينة و مغرف من البياض بالتناوب
فوق الصفار و نخلط من الفوق للتحت بمغرف اللوح
حتى حسيت لعجينة راهي مناسبة
فرشت غير ورقة نتاع رسم في المول و دهنتها
و عمرت لعجين و دخلتو في الفرن حتى طاب
ضربت 100 غ كرام شونتي مع كاس حليب بارد حتى طلع
و الشيكولا استعملت منى و زوقت
نتمنى نكون افدتكم (على فكرة جات حاجة روعة)




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©