المقادير:4كيلات فرينة+كيلة ناقصة شوي زبدة او سمن ذايب+رشة ملح+ملون ابيض تاع الميزان+ماء زهر باااارد للعجن
الحشو:3 كيلات لوز مرحي ناعم+كيلة سكر+فانيلا+ماء زهر نلمو بيه
الطريقة:اخدمي الفرينة مع الزبدة والملح والملون ملييييح كيما المقروض
من بعد ضيفي ماء الزهر البااارد واعجني مليييح(حاولي متكثريش ماء زهر باش تجيك العجينة طرية)
وحطيها في كيس في الثلاجة ساعتين كاملين
حضري الحشو بخلط المقادير المذكورة

وابداي اخدمي والصور توضح
رققي العجينة مليح بالالة او بالرولو
ثم اقطعي دوائر متساوية


حطي 6 دوائر فوق بعض


حطي الحشو

اغلقي مليح



ادهني الحواف بشوي زبدة


وابداي لفي



دخليهم للفرن حتى يطيبو ويميلو للون الذهبي شوي
متطيبيهش بزاف باش يبقى طري

عسليهم بشاربات خفييييفة تكون بااااردة والقاطو سخون
وكي يبردو زيدي عسليهم بعسل ثقيييل (عسل المرجان)ويكون سخون




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©