ســــــــــــــــــــــــــلام


حبيت نشاركم بهذا الوصفة (جزائرية) على بالي كامل تعرفوها هي مش اقتصادية بصح لذييييييذة و تحمر الوجه قدام الضيوف


انا هنا حطيت الصورة النهائية برك ما عنديش صور التفاصيل على خاطر مصورتها قبل ما نكون عضوة في المنتدى


البسكويت:


400غ قاطو مطحون(بيمو او اي نوع تحبيه)


80غ زبدة ذايبة


الكريمة:


450غ جبنة كريمية ( اذا ما توفرتش ديري لافاش كيري بيتيها في الماء باش تنقص الملوحة منها و الصباح قطريها بلا ما تعصريها)


170ملل حليب مركز محلى


4 ورقات جيلاتين او 10 غ جيلاتين بودرة


عصير حبة ونصف قارص


250غ كريم شانتيي


الطريقة:


نبسس القاطو و نرصو في صينية مدهونة او مغطية بورق الطبخ جزائري (الصينية تكون من النوع لي يتفتح بجهة)


نديرها في فرن سخون 5 دقائق فقط ثم نخرجها ونخليها تبرد


نضرب الكريم شانتيي و نحطها بجهة


نضرب الجبن مع الحليب و عصير حبة ليمون


نحط ورقات الجيلاتين في ماء عادي حتى يطراو تعصريهم وتحطيهم في عصير نصف حبة القارص يكون سخون باه يذوب الجيلاتين


ثم اضيفيه على خليط الجبن ثم اضيفي الكريم شانتيي بالشوية ثم فرغي الخليط فوق القاطو لي يكون برد غطيها و ديريها ليلة كاملة في الثلاجة


كي تخرجيها من الثلاجة زينيها بالفواكه كيما حبيتي


<legend>الصور المرفقة</legend>
Mohamed1.jpg&rlm; (10.5 كيلوبايت, المشاهدات 188)
Mohamed2.jpg&rlm; (10.5 كيلوبايت, المشاهدات 188)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©