السلام عليكم

صح فطوركم و ربي يقبل منا و منكم

هذا الكروكي دارت اختي اليوم

صح عيدكم و كل عام و انتم بالف خير

المقادير


8 بيضات, نصف لتر زيت , نصف كيلو سكر , 2خميرة, 2 افاني, فرينة 1كغ (هذه المقادير ديرلك تقريبا بلاط) , شوية نشاء


التحضير

خلطي البيض بالباتور خير و قادرة ديريه بيدك لكن يتعبك لانك تضربي حتى يطلعو

المهم ضربي بالباتور حوالي 10 دقايق باه يجي خفيف ثم زيدي الزيت و السكر و الافاني و زيدي خلطي و من بعد جففيها بالفرينة و الخميرة و شوية نشاء

حتى نتحصل عليها نوعا ما طرية

في البلاط ندهنوه بالزيت و نهز من العجينة و نشكل حرابيش على المايدة و ننقلها في البلاط

و كي تخلصي عدي عليها بالشوكة للتزيين

و جيبي صفار بيضة و ملعقة قهوة و خلطي في غرفية جانبا و اذهني السطح بيهم و رشيهم بالسكر او الجلجلان

و حطيها تطيب حنا دينا للكوشة برا و لكان طيبتيه في الدار كي تقرب اطيب خرجيها و قصيه مستطيلات و عاودي رجعيه يحمار شوية مع التقليب باه يحمار من الجات كامل

شهية طيبة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©