السلام عليكم و رحمة الله تعالى و بركاته
هدي اول مرة نحط وصفة (جزائرية) ان شاء الله تعجبكم
الوصفة (جزائرية) هي البيتزا معشوقة الجماهير
لكن للاسف ماقدرتش نصور جميع المراحل



المقادير خاصة بيا و اللي حبت تزيد و لا تنقص
5 كيسان فرينة + 2 مغارف لحظة + 2 مغارف سكر + 2 مغارف زيت + ملح + 2 مغارف خميرة في صحن كبير شمخي بالماء حتى تتحصلي على عجينة ادلكيها مليح في الاخير زيديلها 2 مغارف مارغرين طرية و عاودي دلكيها مليح حتى تدخل المارغرين في العجبن و تختفي تماما ادهنيها بالزيت و خليها تتخمر
فشيها (خرجي منها الخمور ) و خليها ترتاح شوية
حليها على شكل السنيوة اللي تحبي
شكلي كريات صغيرة احشيها بالجبن كوريها حطي الكرات على الاطراف
ضعي الصوص في الوسط و زيدي واش تحبي
انا حطيت الزيتون و الجبن رابي فقط
ادهني الكريات مع الاطراف بالبيض و رشيها بالجلجلان او الحبة السوداء
طيبيها حتان تتحمر
شهية طيبة
ان شاء الله تكون واضحة الطريقة لاني اول مرة نحط وصفة (جزائرية) في المنتدى





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©