[color="darkslategray"]اولا السلام عليكم ورحمة الله تعالى وبركاته
واش راكم خاوتي مع الامتحان شاملات هادو ........
والله انا حالتي ما تفرحش خلااااااااااااااااااااص
خربتها في المواد العلمية كامل ....وحتى الادبية ما خليتلها والو
معدلي نتاع الفصل الاول 17.37اما الثلاثي هذا فانا متاكدة انو مش سقوط حر بصح طيران حر.........الى الاسفل طبعا
انا مورالي راه زيرووووووووو
عادت عندي عقدة من المادة الرياضيات والله
تخيلو عطانا تمرين على دراسة دالة
غلطت في المشتقة باش نديرها 2 تهفيت ودرتها -2 وراحلي تمرين عليه 10 نقاط كامل
مادة العلوم الفيزيائية و التكنولوجية حدث ولا حرج اذا جبت 12 راني مليحة .......الثلاثي الاول جبت 19 زعما
علوم نفضل نخلي البير بغطاه
نروحو للمواد الادبية
مادة الفرنسية في الثلاثي الاول جبت 19.5 ودرك ان شاء الله نوصل ل 16
انجليزية المرة لي فاتت 19 ودرك بالاك 17.....مقبولة
ادب كيما المرة الاولى كيما الثانية ما تفرحش
مادة الاجتماعيات لالا الحق صححلي ورقتي وشاعت في الليسي كامل سلمى جابت اعلى نقطة ......17 هههه
الشريعة الاسلامية الثلاثي الاول 20 ودرك ان شاء الله نجيب مليح برك




ايا انا واش داني خدمت في الثلاثي الاول هكا حتان نخربها هكا في تخيماستخ هادا
ياو الحاجة لي راني خايفة منها اني نخربها في الباك العام الجاي ونتهف كيما الهفة نتاع المادة الرياضيات



انا هكا ولا هكا معدلي مش راح يفوت 15
والله يبارك ماشاء الله...راها تستنا فيا عقوبات زجرية وردعية من ماما ....الحق كامل فيا ....راكي ما تقراااااااااايش والله انا الهم نتاع المادة الرياضيات سهرت عليها الليالي
بصح دركا صايي رفت عنها القلم ونحيتها من البروقرام

اصبحتن المادة الرياضيات كالشبح الذي يلاحقني والكابوس الذي يءرقني




يا جماعة نتمنا نتوما تكونو خدمتو شوي مش كيما حالتي
على وجه ربي طلعولي لمورال باسكو راني رايحة فيها



ملحوظة هامة ......مساءا عندي اختبار رائع علوم وراني قاعدة صايي كرهتتتتتتت [/color]




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©