اهلا اخواتي الكريمات عملت تحلية بسيطة وحبيتكم تستفادو معايا بلاك تعجبكم
المكونات بسكيت على شكل مربع او مستطيل + كرينة + فوندو+ شوي كا كاو
اولا نحضر كريمة ** كاس حليب + مغرفة كبيرة فرينة + بيضة كاملة نخلطهم مليح ثم نصفيهم +3 ملاعق سكر
تقدري تزيدي ولا تنقصي حسب الحلاوة لي تحبيها+ 1 فاني + قرصة زعفران بودر لتلوين فقط ممكن الاستغناء عن
نخلط مليح ونحط على النار ونخلط حتى تتكاثف نحي من النر ونزيد مغرفة كبيرة زبدة ونحرك مليح
ولما تبرد نضربها مليح بالباتور
نحضر صحن عادي ونبدا في العمل
نعمل طبقة بسكويت ونغطيها بطبقة كريمة وطبقة اخر بسكويت وطبقة كريمة وطبقة اخرى بسكويت

والطبقة الاخيرة فوندو
فوندو** سكر ارتب مغربل + قطرات عصير قارص ونخلط + قطرات ماء لازم يبقى خاثر
ونحي شوي ونزيدل كاكاو لزينة مثل الصور


ان شاء الله نكون افدتكم بفكرة ولو بسيطة دعواتكم اخواتي بالستر دنيا واخرة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©