السلام عليكن اخواتي
كنت وعدتكم نحطلكم قاطو اللي كنت عملتو بصراحة ذوقو لذيذ جدا واقتصادي ونعملو في معضم المناسبات وهو عبارة على حلوى بالنواد كوكو او كريات الثلج او BOULES DE NEIGE كل واحد كيفاه يسميه
المقادير
1كلغ نواد كوكو تزيديلو برش 2 حبات ليمون كبار+200 غ سكر عادي وشوية فاني خلطي الكل وزيدي بيضة ثم صفار ثم بيضة ثم صفار وهكدا حتى يتلم الخليط شكلي كريات دخليها للفرن حتى تاخد اللون الدهبي من تحت وكي تبرد غلفيها بالقلاساج اللي هو عبارة عن بياض البيض اللي بقالك طلعيه مع سكر قلاسي و 2 ملاعق عصير ليمون و2 ملاعق زيت و4 ملاعق ماء زهر زيدي وشوية ملون وردي او اخضر فاتح ولا ازرق وزيدي السكر قلاصي ا بالتدريج عينك ميزانك حتى تتحصلي على خليط خاثر غلفي الحبات بيه وزينيهم بوردات من عجينة اللوز اللي هي علبة من عجينة اللوز تزيديلها نصف كاس مايزينة مفورة وملون خلطي الكل وحلي العجينة واطبعي بطابع المارغوريت المن التعليم المتوسط رقم 2 ورقم 1

 هاد الكمية تعملك تقريبا 70 حبة من التعليم المتوسطة الحجم انا متعودة نعمل 1 كلغ ونصف نواد كوكو مع 350غ سكر للاعراس يعملي تقريبا 120 حبة




















وهذا نفسو عملتو بقلاساج وردي العام الماضي كي رجعت من العمرة





جربوه راح يعجبكم بزاف واكيد كاين اللي يعرفوه وعملوه من قبل
ماتنساونيش بدعواتكم ليا بالذرية الصالحة





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©