السلام عليكن حبيباتي

اليوم جبتلكم وصفة (جزائرية)

صابلي ذوق رهيب اذوب في الفم

السر
اتاعهم فنجان زيت
والسكر كغستاليزي

اليكن الوصفة (جزائرية)

المقادير

250غ زبدة طرية وفريال من الاحسن

فنجان صغير زيت

5ملاعق كبار سكر كغستاليزي

2صفار بيض

2ملاعق كبار مايزينة اختياري

باكي خميرة الحلوة

فاني +قشور ليمون

نلم بالفرينة

للتزيين كوكاو ماشي محمص اخضر وبالقشور مرحي من التعليم المتوسط

 بياض البيض المتبقي

طريقة التحضير

نخلط الزبدةوالسكر جيدا براحة اليد حتى يذوب شوية السكر اضيفي الفنجال الزيت وخلطي ثم الصفار وخلطي جيدا

ضفي الفاني الخميرة والزاست والنشا ونلم بالفرينة لكن المهم تكون طرية العجينة ماشي ناشفة
بالنسبة لطريقة العمل

باش ماتعبكش العجينة في الحل والتقطيع لانها طرية جدا استعملي
الكيس الي نشرو فيه الخبز الابيض الشفاف افتحيه من جهة رشي شوية فرينةحطي العجينة في الوسط وحطي الجهة الاخرى من الكيس افتحي العجينة

ثم قطعي الشكل الي حبيتي

بالنسبة للجهة العلوية اغطسي في البياض ثم في الكوكاو مرحي بقشور وماشي محمص

رشي مليح السنية بالفرينة وحطيهم دخليهم يطيبو
على درجة 180 مدة10الى 15 دقيقة على حساب الفرن

ماتنزعيهمش حتى يبردو شوية ثم زينيهم بالمعجون وبصحتكم اذا درتوهم

يستاهلو التجريب
انا هنا ضاعفت الكمية











مع تحيات ام اية










©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©