هذي الوصفة (جزائرية) تعلمتها جديد وراني جربتها 6 مرات والله ناجحة 100/100 وحتى راني خدمتها في العيد اللي حابة تشوفها في موضوع خاص نخليكم مع الصور والي حابة نمدلمها مقادير تقولي قبل ما نروح للجامعة لانو نقرا بعيد على دارنا وان شاء الله يكون عجبكم

يا ام انس \ها هي المقادير
المقادير
3كيسان سميد حرش
كاس و نصف فرينة
كاس زيت
2مغارف سمن ذايب
2 قرصات ملح
تقريبا كاس مزيج ماء الزهر+ ماء

الطريقة

خلطي السميد مع الفرينة و الملح بسي بالزيت و السمن وباضافة ماء الزهر و الماء يتلم يولي عجينة سهلة التشكيل
الحشو

تمر منقي اي غرس+شوية سمن+قرفة
الطريقة
ديري حربوش في وسطه الحشو قطعي مقروطات انقشيهم على شكل اللي تحبيه ضيقي النقاش باش يجي شباب
ديريه في بلا غير مدهون ضيقيهم
طيبي في الفور او فرن عادي
كيطيب فرغي عليه العسل\في البلا ما تنحيهش خليه يتشرب مليح
دريه في الكيسات الدهبية

[IMG][/IMG]









©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©