السلام عليكم
اليوم جبتلكم طبق تقليدي لذيذ ومفيد وخاصة للنافسة وهو الزيراوي
واحنا انديروه بزاف في المناسبات وحتى بدونها وتقدري تقدمي معاه اللبن او العصير او السلاطة الخضراء بلا ما نطول نبدا باسم الله


المقادير/
* الغرس ( التمر يكون مرحي ) * كسرة مبسسسة ومهرسة رقيق *
الدهان ( السمن ) او الزبدة * الكاوكاو او جلجلان للتزيين ( حسب الذوق )
الطريقة /
نخبزو الكسرة تكون مبسسة ونهرسوها ونخرجوها في الغربال انتاع الطعام
نذوبو الدهان ولا الزبدة ونضيفولو الغرس ( الكمية حسب اختيارك ) حتى يبدا يذوب نحيوه على النار ونضيفو الهريس انتاع الكسرة بشوية حتى تتحصلي على صح التعبير عجينة لينة لازم ما تكونش شايحة وانا زينتها بجوز الهند (اللي عندي كي درتها )
ان شاء الله تعجبكم وتجربوها
تحياتي للجميع





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©