ليوم حلوتنا هي زينة المائدة الجزائرية ألا وهي البقلاوة من المطبخ جزائري الجزائري وبصوري
حيث أغلب الوصفات جزائرية مافيهاش صور وكل واحد ووصفة (جزائرية) تاعو أنا معتمدة هذي مممممم


المقادير
04كيلات معمرين فرينة
كيلة مارغارين ذايبة وباردة مهم جدا تكون باردة
قليل من الملح
النشاء (كي نحلو العجينة يفضل وضع قليل من النشاء باش تجي خفيفة)
كيلة ماء+ماء الزهر للم العجينة (نفس الكيلة التي كيلنا بيها الفرينة والسمن نكيلو بيها الماء والماء زهر )
السمن أو مارغرين مذابة باش نديروها بين طبقات مهم جدا الخطوة هذي)
الحشو :
03كيلات كاوكاو أو لوز أو جوز
كيلة سكر
ماء الزهر للم الحشو (لانكثر منه يجب أن نبقي الحشو شاد روحو ماشي جاري)


الطريقة بالخطوات المصورة على بركة الله نبدأ
نغربل الفرينة ونضعها في صحن واسع للعمل عليها

نضيف كيلة مارغارين التي ذوبتها وتركتها تبرد


نحاول جمعها بماء الزهر أو ماء الورد +ماء (لا يجب أن يكون الماء ساخن )



نتحصل على هذه العجينة


نقوم بتقسيم العجينة الى 13كويرة كما في الصورة


نقوم بتسريحها على الماكينة إبتداءا من الرقم 01الى أخر رقم (بالنسبة لسمك العجينة حسب رغبتكم أنا وضعتها رقيقة لكي تأتي مقرمشة ممممممم)

نا سرحتها على الصينية ولا ننسى بين كل طبقة وطبقة ندهنها بالزبدة المذابة أو السمن



هنا جهزت الحشو بخلط كل المقادير


عند وصولي للطبقة السادسة وضعت الحشو فالنص وفرشته جيدا ووضعت قليل من الزبدة فوق الحشو


هنا وضعت فوق الحشو 06طبقات أخرى وقصصتها حسب رغبتي


بما أنني استعملت الكاوكاو (الفول السوداني) فالحشو قمت برشق حبات منه فوق المربعات ووزعت الزبدة فوقها وتركتها ليلة كاملة


(عند تجهيز البقلاوة يفضل تركها ليلة كاملة حتى ترتاح العجينة) وفالغد ندخلها الفرن وهذه نتيجتي ممممممممممممم فور خورجا من الفرن نسقيها بالعسل البارد
مارأيكم فيها


زوووووووووووووو أكثر للتشويق والتعذيب خخخخخخخخخ







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©