السلام عليكم
اليوم جبت لكم وصفة (جزائرية) الرفيس نتاع البيض و ان شاء الله يعجبكم

مقادير

1
كغ سميد من التعليم المتوسط
مغرف صغيرة حبة كحلة
مغرف صغيرة كمون
شوية ملح
دهان العرب (غنمي) + دهان فاما
نصف رطل تمر
للتزيين لوز او ائ مكسرات حسب الرغبة

التحضير

في قصعة نضع السميد و حبة الكحلة و الكمون و الملح و نضيف دهان فاما ذايبة نصف رطل نخلط كل شيء مليح نحاول كل المكونات تدخل في بعضها مليح

ثم نرش بالماء لا نعجن بل نلمده بالماء ونضعه في صينية

ثم ندخله الى الفرن حتى يطيب من تحت و نشعل عليه من فوق يطيب حتى يحمار من بعد نخرجه نضع الخبزة في قصعة نتركها تبرد من نفتتها باليد قطع كبيرة نديره في الروبو نطحنه و اذا معندكش روبو تطحنيه يدويا

من جهة اخرى نغسل التمر مليح ننزع النواة و نفوره و منبعد بالشوكة نهرسه

نضع الخبزة لطحنتها تفور كي تفور نضعها في قصعة
نضع فوقها التمر المهروس و دهان العرب الغنمي و لي معنهش يقدر يستعمل دهان فاما
تعجني كلشي مليح باليد حتى تدخل كل المكونات في بعضها البعض
و يقدم مع اللبن او كيما تحبو مع القهوة او الشاي


ان شاء الله يعجبكم
انتظر ردودكم العطرة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©