مرحبا بيكم معايا و اليوم جبتلكم بقلاوتي و هذي أول خطرة نخدمها هاكا نشالله تعجبكم بصح مدولي رايكم بكل صراحة حتى و معجبتكمش و الله عادي
مقاديرها معروفة 3 كيلات فرينة + كيلة مايزينة + كيلة زبدة + حبة بيض + ماء الزهر مع الماء
فالأول حرحرت الزبدة مليح مع الفرينة و المايزينة ثم تبعت كيما دارت الأخت أم كوثر سيرتها ثم درت حبة البيض و لميت بالماء + ماء الزهر
خليتها ريحت شوية ثم خدمتها
العقدة معبرتهاش أنا عبرت الكوكاو فالسنيوة تاعي و شفتها شحال تدي لخطرش سنيوتي صغيرة 30 على 30
و العقدة قسمتها على زوج وحدة لونتها بالأحمر و لخرى لونتها بالأخضر و هذي الفكرة ديتها من عند أخ حط أنواع حلوى من بينهم البقلاوة و العقدة خادمينها بهذا الشكل
كي صنعت الطبقات تاع العجينة (4 طبقات) حطيت العقدة الحمرا و ستفتها مليح ثم درت الطبقة الخضرا ثم زدت الطبقات 3 عادي و الطبقة الأخيرة لونت العجنة بالأحمر و الأخضر وقطعتهم شرائط و ستفتهم و درت وردات و حكمتهم بحبة كوكاو و طيبتها و عسلتها
نخليكم مع الصور

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG]URL=http://arb-up.com/37f2xqgjmpiz][/URL[/IMG]

[IMG][/IMG]


[IMG][/IMG]

هذي هنا كي بقاتلي العجينة درت هذو

[IMG][/IMG]







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©