نقوم بتقسيم الكرشة الى مربعات متساوية تقريبا 10 سنتمتر
وما تبقى منها نقطعوه صغيييير مع المصارن والرئة وكل ما تبقى من الغرنوق
ونحضر مغرفة صغيرة توابل وشوي بصل مرحي وشوي ثوم مرحي ومغرفة صغيرة طماطم وكمية مليحة دبشة وملح خلطيهم مع خليط الغرنوق وهاذي هي الحشوة ثم نقوم بحشو الكرشة اللي نكونو خيطنا اطرافها الثلاثة ثم كمليها الخياطة من فوق
نتحصلوا على هذه الكريات
نحضروا الكوكوط ندوزنوها بشوي زيت وبصل وتوم وتوابل وطماطم مرحية وهريسة ونقليهم ونضيفلهم العصبانات ونقليهم معاها ونزيد الحمص ونمرقهم

نخليهم يطيبوا غالقة عليهم الكوكوط ساعة تحلي تلقايهم طابوا نحيهم خليهم بجيه واضيفي الخضر الى المرقة


وخليها تطيب ومن جهة اخرى فوري الكسكسي نتاعك نورمال ومن بعد قدميه وبصحتك


نتمنى نكون وفيت في الشرح مفصل لان كاين مبتدءات وعرايس جدد يحتاجو لمثل هذه الوصفات جزائرية وما تنسوش حتى دعوة بظهر الغيب تكفيني





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©