السلام عليكم و رحمة الله تعالى و بركاته
هدا الطبق نحبوه بزاف فالدار امالا قلت نحطو بلاك يعجبكم كيما يعجبنا
اولا نسكرفجو حبة بصل من التعليم المتوسطة
و نديروها تتحمس في شوية زيت مع المعدنوس
مور ما تتحمس نزيدو اللحم ونصف ملعقة صغيرة فلفل اسود وملعقة صغيرة ملح
و نخلوه يتحمس و من بعد نزيدولو الماء و حمص نص طياب و نخلوه يطيب
و في هذه الاثناء نطيبو الباتنجال
نغسلوه و انقشروه و انقطعوه شرائح طولية
ندهن السنيوة بشوية زيت و نستف الباتنجال و نزيد نرش شوية زيت من الفوق بالبانسو
و ندخلوه في الفور على رقم 8 و السنيوة نديروها من تحت وكي يحمار من تحت نقلبوه و نرجعوه و كي يحمار نخرجوه و نستفوه فالمول
كي نخدمو كامل الباتنجال نقلو 2 حبات طوماطيش بعد ما نكونو قطعناهم شرائح و نستفوهم فوق الباتنجال
( اسفة نسيت ما صورتهاش )
و من بعد نفرغو فوق الباتنجال اللحم و لاصوص و ندخلوه للفور وحد 15 دقيقة يحمار شوية و نطفو عليه
و كي نخرجوه نرشو عليه المعدنوس مقطع مممممممممممممممممم (نموت على المعدنوس ههه
)
حنا ما كانش عندنا المعدنوس الله غالب
و بالصحة و الراحة
ان شاء الله تسيوه و يعجبكم
اللهم صل و سلم على نبينا محمد
رد مع اقتباس
