السلام عليكم هذا الوصفة (جزائرية) لقيتها في منتدى اخر عجبتني وجربتها جات رائعة ننصحكم تجربوه ونشكر بزاف صاحبة الوصفة (جزائرية)
المقادير:
رطل فرينة + مغرف اكل خميرة خبز + مغرف سكر+مغرف صغيرة ملح + مغرف زبدة ذايبة ونجمعها بالماء الدافئ حتى تصبح عجينة طرية ندلكها شوية ونخليها تخمر مبعد
نعاود نعجنها ونشكل خبزات طوال او مدورين نثقبهم باصبعي ونخليهم يخمرو مرة ثانية
ثم ندير مغرف فرينة + نص كاس ماء على النار حتى يثقال ندهن بيهم وجه الخبز ونزوق بالسانوج وندخلهم يطيبوا في الكوشة حتى يحمارو اتمنى يعجبكم
اي سؤال انا في الخدمة
تحياتي للجميع.














©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©