جبتلكم خبز رائع نقدموه مع الحليب او الشاي رائع جربوه وماراح تندموا
والله عاودت خدمتو البارح وصورت الخطوات باش يجيكم ساهل وراني حطيتلكم الصور الحقيقية من المطبخ جزائري الجزائري


نخليكم مع المقادير:
1 لتر حليب نتاع الشكاير عادي يكون دافئ قليلا
1 كلغ فرينة
2 ملعقة صغيرة للخميرة الكيميائية
2 ملاعق كبار خميرة خبز
5 بيض
2 كوب سكر عادي
1 كوب زيت

تخلط جميع المقادير مع بعض بملعقة خشبية وتنحي من البيض السابق صفار بيضتين وتخليهم على جنب

وتكملي تخلطي البقية كلهم مع بعض بدون ترتيب وتغطي الاناء مليح وتخليه لمدة نصف ساعة او ساعة لازم يختمر مليح العجين ( على فكرة العجين راح يكون سائل ماشي عجينة تمسكيها يالايد



لما تخمر تنزليها بملعقة وتفرغيها في صينية الخبز وتزيدي تخليها تخمر مليح
وتدخليها للفرن لازم يكون سخون مليح
وتخليه حتان تشوفي انو العجينة مسكت روحها وصار ملمسها قاسي كيما في الصورة التحت


تخرجيها وتدهنيها بصفار البيض اللي خليتيه على جنب وتقدري تديري هاذ الدهن باش تتحصلي على لون رائع
هذا الرابط
http://www.dzbatna.info/vb/showthread.php?t=1112757

وترجعيها للفرن لحتى تتحمر من الفوق وتطهى نهائيا
خرجيها واتركيها تبرد من بعد قطعيها
والله بزاف بنينة الذوق نتاعها بين الخبز والتارت

امممممممممممممممممممممم
ماتنساوش الردود

وهذا الشكل النهائي اللي تعجبو يرد وماشي تدخلو تتفرجو وماتخلولي والو من الردود سي نون مانمدلكمش تاكلو




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©