هذي المقادير الي نحتاجها كما هو موضح بالصور
لحم خروف_بصلة_كورجات _1فلفل طرش_طماطم الحبة _زرودية_قصبر خضر_سنة ثوم_ورقة رند_عود قرفة_زيت_ملح_فلفل اكحل توابل قصبر حب مرحي بذور البسباس مرحية وشوية راس الحانو وفلف حمر مرحي شوية نعناع يابس طماطم مصبرة
نقطع اللحم

نرابي نصف حبة بصلة

نرابي فلفل حلو ونضيف ورقة رند وعود قرفة
نرابي الزرودية نصف او حبة صغيرة



لازم نرابو في هذي كما في الصورة تكون دقيقة جدا هي و الكورجات والفلفل طرشي
الكورجات نصف حبة
سنة وحدة ثوم


الي عندها الروبو تستعملو في طحن الخضرة

شوية فلفل حار مقطع


نحطوهم كامل في القدرة مع الزيت والملح والتوابل ونقلي على نار قليلة حتى يبقى الزيت ونظيف طماطم الحبة رابي ونقلي



ونمرق بماء دافي
ونظيف شوية نعناع يابس مغسلو وربيطة صغيرة قصبر تحزمها بخيط صالح للطبخ جزائري ربطة صغيرة برك


انت اديريها تطلق البنة وتنحيها فيما بعد

كي تغلى تظيفي الدشيشة اناا نستعمل ثلاثة انواع دشية الشعير زوج مغارف ومغرف فريك ومغرف مرمز وطبعا هذو يتحضرو في البيت ماما توجدهم قبل رمضام ولفريك نشروه او نتحصلو عليه من عند نسا يبيعوه محضر بالبيت وريحتو روعة
تحبي تستعملي الي عندك بصح بهذو يمدو السر في البنة



لاحظي اختلاف الواان الدشيشة المرمز شبه اصفر فريك اخضر ودشيشة الشعير
نغسلهم في مصفاة بماء سخون
هاهي مغسولة بعد ما نقعتها شوية في ماء سخون ونصفيها ونرميها للقدرة بعد الغليان


هنا بعد الغليان نرميها ونحرك ونتركها على نار قليلة حتى النضج



نحضر هذ الدرسة كي توجد نرميهالها وتضفي بنة رائعة لحريرتي المميزة


فلفل طرشي رابي دقيق جدا شوية نعناع يابس نص مغرفة صغيرة وشوية قرفة مرحية وبسباس حب مرحي وقصبر حب مرحي وقصبر اخضر مقطع
وتنحي عود القرفة وورقة الرندة وربيطة القصر الي طابت بيهم
هنا بعد ما رميتهم ونخلط





تقدم مع الليمون والحار ممكن تظيفي هريسة









وتقدم مع المطلوع او بوراك




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©