زوجي راح يطلقني اذا ما عقل ولدي ساعدوني تعبت من ولدي



السلام عليكم ورحمه الله وبركاته

ولدي عمره 6 سنوات كل يوم يسوي مصيبه وفيه عناد لدرجه ما تتوقعونها وما نفع شيء معه وابوه ضربه وحرمه من الاكل وحبسه
حتى عمه ضابط كبير في الشرطه جاب له سيارة شرطه وركبوه وحاولو يخوفونه ولا نفع والحين اهل زوجي زهقو منه وصارو يضربونه
بالسوط واشوفه يشد شعره من الوجع وقبل كم يوم كوه جده واليوم ابوه ربطه وحطه في الحوش عز الظهر عاد تعرفون حرارة الرياض
لانه نسم كفرات الجيب وولدي جالس يصيح من حرارة البلاط

بعض المصايب الي سواها ولدي تبول وانتم بكرامه على العشاء في العزيمه قدام الرجال من بعده اهل زوجي قامو يربطونه قبل كل عزيمه

اي جهاز او جوال او لاب توب يشوفه في البيت يكسره حتى مره حاول يطيح البلازما وما قدر

اذا فيه عزيمه ياخذ نعول المعازيم ويذبها على بيت الجيران واذا معصب يذب اي نعله يلقها وبعض الاحيان ياخذ مفاتيح السيارات او البيت ويذبها بعد


والحين زوجي يقول اذا ما عقل ولدك راح اطلقك وارتاح منه


ساعدوني تعبت مع هالولد وما ودي اضربه ابد


موضوع حصري لمنتديات شباب باتنة