تارت الفراوله على طريقتي و وبالصور ^_^



السلام عليكم ورحمه الله وبركاته

اعملت مبارح تارت الفراوله وطعمها طلع تحفة بتجننننن
صورتها وانا بعمل فيها حكيت ازا طلعت طيبه بنزلها وازا مو طليبه لا من شاف ولا من دري هههههههه


يلا اتركم مع الصور والشرح طريقة

اولا
مقادير العجينه
كاستين طحين
كاسه زبده
بيضه
معلقتين فانيلا
ورشه ملح

ومقادير الكريمه
كاسه حليب بودره
كاستين ماء
3 صفار بيض
معلقتين كبار طحين
معلقتين فانيلا

وفراوله ومربى الفراوله للوجه



نبلش بالشرح طريقة
اول شي بنعجن العجينه
بنضيف الزبده للطحين وبنخلطهن منيح وبعدين بنضيف باقي المقادير وبنخلطهن لحتى تسير العجينه متماسكه

متل الي في الصوره



بنفر العجينه منيح في القالب
بهذا الشكل



بنتركها شوي ترتاح وبنخلها الفرن على درجه حراه 200 لحتى تسير شقرا
بتاخد وقت 10 دقائق تقريبا


وبعدين بنبلش تحضير الصلصه او الكريمه

بنخلط كل المقادير مع بعض وبنخلهم منيح
متل الصورة


وبنحطهن على نار متوسطه لحتى يتجانسو منيح
متل هيك

وفيكي تحطي قشطه على الخليط بالاخر بيعطي طعم طيب
انا حطيت معلقتين

بنسكب الصلصه بقالب التارت
متل الصوره



وبعدين بنزين القالب بالفراوله المقطعه على زوئك




وهاد الشكل بالنهايه









واخر شي بتحطي مربى الفراوله على الوجه




يالا جربوه واعطونا رايكن

والف صحه وهنا
وهاي قطعه من التارت


موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©