السلام عليكم
هدي اول مشاركة لي في هدا الركن ان شاء الله برك تعجبكم

هدي الحلوة وسمها les cadeaux درتها كي عقدت السمانة اللي فاتت (و زدت درت معاها لمشكلة تع الاخت fella art food ربي يجازيه جات روعة)

رايكم يهمني متخرجوش بلا ما تردو بليييييييييييييييييييييييز حبيباتي





المقادير:
1 كيلوغرام لوز + 300 غرام جوز الهند + 300 غرام سكر -نصف بودرة و نصف خشن-
نخلط المقادير هدي و نلمهم ب 3 او اربع بيضات _ انا دايمن نفضل يكون كمية الصفار تغلب كمية البياض باش مايجوش يابسين, يعني ادا درت 3 بيضات و مازال متلمتش نفضل نزيد 1 صفار او صفارين في عوض بيضة_

لما تتلم هدي المكونات و تحسي تقدري تشكلي بيها غطيها في ساشي باش متنشفش

دوك خلطي شوية فرينة مع شوية ملون غدائي و ديري قطرات ماء باش تشكلي عجينة , هاد العجينة حليها حوالي سمك 2 ميليمتر, هدي نديرو بيها الحاشية تاع les cadeaux .

ملاحظة: كي تخدمي هاد الحاشيات اغلقي التاقة و متخدميش كمية كبيرة لانو ينشفو و كي ينشفو يولو يتكسرو و متقدريش تخدمي بيهم

درك ارجعي للعجينة عليها علي سمك 1 سنتمتر الى 1 ونصف سنتمتر و قطعي مربعات لازم يبانو كامل عندهم نفس الحجم لانو هدا اللي يبينهم باهيين في السنيوة

درك لفي المربعات تاعك بزوج طراف تاع الحاشية و في النصف وين يتلاقاو الحاشيات دخلي وردة من هادوك تاع البيع ماشي تاع عجينة اللوز قولي للبائع يعطيك هادوك تاع الزواق اللي مينتكلوش

حاولي تنسقي لون الحاشية مع لون الوردة دائما

دخلي الهدايا في الفرن مالازمش يطيبو بزاف غير يحمارو شوي برك من التحت لازم يكونو طريين شوي





دخليهم مباشرة في العسل و خليهم يباتو فيه نعم يباتو لان صعيب يتشربو لعسل







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©