انا راني ناكل الباتيسري غير من ايدي و الا كي نروح للبلاد لانو وين نسكن الان ما كانش
و اللي حابة تعرف الطريقة تبعني
الجينواز: ضربي 4 حبات بيض كاملين بالباتور او البتران حتى يبياض بعدها ضيفيلو نصف كاس سكر و شوية فاني على دفعات و انت تضربي دائما رايح يولي كيما الموس بعدها حبسي الروبو و ضيفي عليه كاس فرينة مغربلة و نصف ملعقة قهوة خميرة الحلويات لكن خلطي غير بالشوية من الاسفل للاعلى باش ما تهبطش العجينة و اخيرا ضعيها في المول 20على 30
و طيبيها في الفرن ما راحش تدي الوقت
بعدما طيب قسميها الى 3 اقسام
[IMG]http://www.up.dzbatna.info/uploads/136984500508411.jpg[/IMG]
و خذي القسم الاول شربيه بشوية عصير او سيرو خفيف(غلي حبة تفاح مقطعة مع كاس ماء و نصف كاس سكر 10 دقائق)
بعدها غطيها بالكرام موسلين و الطريقة للاخت فلة لكن استعملي نصف الكمية نتاعها فقط راح تكفي و اللي يبقى ديريه تحلية
http://www.dzbatna.info/vb/showthread.php?t=1148901
ثم حطي الطبقة الثانية للجينواز و طبقي نفس الخطوات الاولى بعدها حطي الطبقة الثالثة و شربيها بالعصير لكن ما تكثروش العصير باش ما تكونش رخوة راني نقصد 4 او 5 ملاعق عصيرفقط
[IMG]
http://www.up.dzbatna.info/uploads/136984581948021.jpg[/IMG]
[IMG]http://www.up.dzbatna.info/uploads/136984586602031.jpg[/IMG]
في الاخير زينيها بالكرام شونتييه
[IMG]http://www.up.dzbatna.info/uploads/136984593781121.jpg[/IMG]
في الاخير قطعي القاطو الى 6 قطع و زينيهم انت و ذوقك بالفواكه او الشوكولا
[IMG]http://www.up.dzbatna.info/uploads/136984614271691.jpg[/IMG]
اسفة كثرت عليكم بالشرح مفصل لاني نساعف في المبتدئات
روزا هذا الصحن ليك كوليه بشرط طبقيه
[IMG]http://www.up.dzbatna.info/uploads/136984625873141.jpg[/IMG]
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
