مورانغ تاعي وعلى طريقتي

حبوباتي نحب نفيد البنات الغاليات ألي ماتعرفش تعمل المورانغ نعتلها طريقتي الساهلة الماهلة وتعلمتها من عند خالتي ربي يعيشها شوفو لكل بياض بيضة 5 مغارف معبيين سكر التسكار نبداو نضربو البياض مع رشة ملح مليح حتان يولي ثلجي ونضيف السكر وحدة بوحدة حتان نكملوه ونريحوه بلافاني ثم نشكلوه بلابوش آدوي على اختيارك ونحطوه على ورق الخبز أي ورق الزبدة ولازم يكون الفرن سخون ونحط المورانغ ونقس لأدنى درجة في الفرن وننساه تقريبا 45 دقيقة فما فوق ونجرب نحي وحدة إذا تنحات من الورق بسهولة يعني طاب خلاص ونخليها دقيقة إذا ماتفشتش يعني خلاص طيابو وشكرا لكن.

http://www.dzbatna.info/vb/attachmen...1&d=1359224234



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©