البرااااااج يا حنونة ما تراطيش....مممم
سلام بنات المنتدى
نشا الله تكونو لا باس
كي العادة كل مرة عشوية
هاذ المرة صنعت البرااااج
ساهل ماهل....
ديري السميد على حساب ما تحبي
و فرغي الزيت على حساب ما تتبسس
و من بعد ضيفي الملح و الما الدافي حتى تولي عجينة متماسكة
قسميها الى كويرات لازم يكون عددهم زوجي ماشي فردي
يعني باشكي تجيك وحدة فوق وحدة
حلي زوج كويرات ... وحدة في صحن كبير مدور و وحدة فوق القصعة و لا الطاولة
هاذي الاخيرة ادهنيها بشوية زبدة و لا دهان
ديري فوقها التمر اللي تكوني نقيتيه من قبل و فورتيه و زدتيلو شوية زبدة ذايبة و قرفة و قرنفل
كي تديري طبقة التمر ضيفي عليها العجينة اللي كنتي حليتيها في الصحن ... تجيك ساهلة
و بسطيها بيدك على السمك اللي تحبي
من بعد قطعيها الى براج و طيبيها فالطاجين
ممممممممممممممم
http://im31.gulfup.com/Yrbxc.bmp
http://im31.gulfup.com/6B4hZ.bmp
http://im31.gulfup.com/eQddy.bmp
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©