لي شوصون من المطبخ جزائري الجزائري هايلين وخفاف

مساااء الخير
صح فطوركم وربي يتقبل منا ومنكم
راني جبتلكم وصفة (جزائرية) لي شوصون لكل الاخوات لي طلبوها مني

شفتها في برنامج متعة المائدة للسيدة بوحامد

300غ فرينة
شوي ملح
شوي فلفل اكحل
نص كاس زيت
ملعقة صغيرة خميرة

اعجني كيما البيتزا وبلي بالماء الدافئ
تتحصلي على عجينة فيها الزيت ومليحة

حضري الحشو كيما تحبي
انا استعملت الطون والبيض المسلوق والزيتون الاخضر والفرماج كيما خدمت هي

مبعد ابسطي العجينة رقيقة وشكلي دوائر وامسحي عليهم ببياض البيض وحطي فيهم القليل من الحشو واغلقي ومبعد ديري الجوانب بالفرشيطة باه يتغلقو مليح

تقدري تقليهم في زيت ساخن وغزير
ويجوك هكا كيما عملت السيدة بوحامد
لكن انا والعائلة ماعجبوناش رفدو الزيت ياسر

http://a7.sphotos.ak.fbcdn.net/hphot...94463648_n.jpg

وليت بدلت ودهنتهم بصفار البيض وطيبتهم في الفور
جاو هكا
هايلين وخفاف ماشاء الله

http://a1.sphotos.ak.fbcdn.net/hphot...26225699_n.jpg


نتمنى تجربوها كامل وتجيكم هايلة
بصحتكم
وفي انتظار تشجيعاتكم وتقييماتكم

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©