وصفة (جزائرية) الهلال مقرص جربو وردولي الخبر

3 عبار فرينة ونصف فرينة+عبر{زبدة ذايبة+ زيت}+1/4 كذالك زيت+ لفاني+قشور الليمون+ ماء الزهر الي تلمي بيه العجينة
العقدة:3 عبار كوكاو+كمشة سكر قلاصي+ليدام+شوية قرفة
خلطي جميع مقادير العجينة وتروكيها ترتاح شوية مبعد حليها بالحلال وقطعي دوائر بالكاس عادي
العقدة كي اديري ليدام حتى وين العقدة كامل تولي ميدمة باه الحلوى ماتيبس بلخف هذا السر انتاعو
بعدما تقطعي دوائر بالكاس ضعي العقدة في الوسط وشكليها مثل التشاراك المسكر والخط الي كون فيها ديريه من الاسفل ثم قرصيها بالقراص كل واحد كيفاه ايقرص ثم ديرها في سنيوى وتروكيها تطهى منبعد كي تخرج تبرد غير شوية عسليها في العسل دافئ وديريها في ليكيسات وشهية طيبة وهذه الوصفة (جزائرية) لذيذة وتبقى طرية وكلما جاك ضيف تقدري فقط تعاودي تعسليها وترجع لماعة





https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©