حنيفيات محشوة من المطبخ جزائري الجزائري

السلام عليكم و رحمة الله تعالى و بركاته
واش راكم حبيباتي ؟ ان شاء الله الجميع بخير
اليوم جبتلكم حنيفيات محشوة رائعة شفتهم في منتدى اخر و طبقتهم جاو هايلين حبيت نستفادو جميعا
بسم الله نبدا
العجينة
كاس حليب
كاس ياوورت طبيعي
كاس زيت
1 بيض
كاس نشاء
ملعقة صغيرة خميرة الحلويات
فرينة و رشة ملح
وطبعا نحضر شاربات
الحشو انت و واش عندك في البيت بيستاش او لوز انا استعملت كاكاو مع قليل من السكر و القرفة و ملعقة زبدة ذايبة و نلم بقليل من ماء ورد
اولا نخلط النواشف وحدهم و السوائل وحدهم ثم خلطي الكل مع بعض و لمي بالفرينة بدون ما تعجني شكلي 12 كرية صغيرة غطيهاو خليها ترتاح حوالي ربع ساعة ثم حلي بالكرة كثري النشا و ديريهم فوق بعضاهم ثم حلي الكل لطبقة واحدة رقيقة و لوي حربوش طويل و اقطعي دوائر حوالي سنتيم و نصف و حليه بالطول و ديري الحشو و اغلقي على شكل مثلث و حطي في سنيوة و ادهنيهم من فوق بالزبدة مليح انا درت بالملعقة و فرغت من فوق باه يتشربو مليح ثم ادخليهم الفرن حتي يتحمرو من الوجهين و ضعيهم في العسل او الشاربات و ضعي من فوق مكسرات
ان شاء الله تجربوها لانها فعلا لذيذة و تصلح للافراح مع الشاي ان شاء الله اكون قد وفقت في شرح مفصل الطريقة و اي استفسار راني هنا
http://img102.herosh.com/2014/02/21/743196917.jpg

http://img103.herosh.com/2014/02/21/340221935.jpg


http://img102.herosh.com/2014/02/21/561474653.jpg

http://img104.herosh.com/2014/02/21/454775458.jpghttp://img105.herosh.com/2014/02/21/132364086.jpg




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©