السلام عليكم
انا من عشاق التشيز كيك... و كيما هو معروف يتعمل بانواع معينة من الجبن ..اما كيري او فيلادلفيا .. و في زوج غاليين.. لذلك قررت نعمله بالياووغت ( الزبادي ) و جاني رووووووعة
نخليكم مع المقادير
بالنسبة لطبقة البسكوت
استعملت 200 غ من اي بسكوت تحبيه و معاها 3 معالق زبدة كبار و دوبيها ( جاتني الطبقة خسينة الي تحبها رقيقة دير 140 غ بسكويت فقط)
http://store2.up-00.com/Apr13/xfF76181.jpg
نخلطوهم مع بعض و نحطوهم في مول التشيز كيك هداك الي ينفتح و الافضل تكوني فرشتيه بورق الزبدة
http://store2.up-00.com/Apr13/wW976181.jpg
نوزعوه مليح و نضغطو عليه بكاس يكون القاع تاعو مسطح
http://store2.up-00.com/Apr13/3xr76181.jpg
ندخلوه للفرن على درجة حرارة 160 لمدة 10 دقائق
دوكة طبقة الكريمة
-استعملت 5 ياووغت طبيعي الي مافيهش لبسكر بصح بشرط تكوني قبلها ب 4 ساعات حطيتيه في مصفاة رقيقة كيما الي تتخلو بيها الفرينة و خبيه يقطر من الماء الي فيه مليح مليح
- استعملت نص باطة جبن كيري يعني حوالي 100 غ على جال بنة الفرماج (يعني حوالي 6 حبات)
-نص كاس سكر او زيدي ادا حبيتي الحلاوة اكتر
-3 بيض
-بشور حبة قارص و العصير تاعها
- مغرفة فرينة او نشاء
http://store2.up-00.com/Apr13/fdG76181.jpg
نخلطو بداية الياووغت و الفرماج و السكر ..بعدها نزيدو القارص معصور و البشور و الفرينة
http://store2.up-00.com/Apr13/USu76981.jpg
بعدها نزيدو البيض بالحبة و نخلطوه غير قيس ما يختفي
http://store2.up-00.com/Apr13/d6w76981.jpg
ممكن نزيدو شوية حليب او كرام فراش حوالي نص كاس ..انا اكتفيت بنص كاس حبيب.. و هذا شكل الخليط
http://store2.up-00.com/Apr13/hf477823.jpg
نطوه في المول فوق طبقة البسكويت و نخلوهمدة 10 دقائق على درجة 220 و بعده نقصولو ل 150 مدة 40 دقيقة تقريبا
http://store2.up-00.com/Apr13/mfU77823.jpg
كي نشوفو القوام تاعه اشتد و الجوانب احمرت معناه طاب ..نطفو عليه و نخلوه نصف ساعة داخل الفور طافي
و هدا شكله كي خرجته
http://store2.up-00.com/Apr13/CDs78312.jpg
خليه يبرد و بعده حطيه في التلاجة مدة 4 ساعات على الأقل
زينوه بواش حبيته بالشكولاطة و لا جولي تاع القارص و لا الفراولة و لا خلوه هكداك
أنا حنا حطيتله مربى فراولة و خففته بشوية عصير تاع الفراولة و حطيتله مغرفة جيلاتين باه يحكم روحو و رجعته للفريجيدار
http://store2.up-00.com/Apr13/d4878312.jpg
و النتيجة هايليك
http://store2.up-00.com/Apr13/JaF78313.jpg
أممممممممممم و الله يهببببببل
http://store2.up-00.com/Apr13/dy078313.jpg
http://store2.up-00.com/Apr13/qRK78775.jpg
يا ويلي على البنة... هادي كي تم القضاء عليه http://www.dzbatna.com/images/smilies/1.gif
http://store2.up-00.com/Apr13/gD978775.jpg
الي تحب تكون طبقة الكريمة اكتر تضاعف المكونات
و ممكن تعويض الياووغت بالبتي سويس و بلا ما نحتاج نقطروه من الماء في الصفاية..نستعملوه ديراكت
نتمنى يكون عجبكم ..جربوه و الله ما تندمو و بنته راهي خير من التشيز الي ما يطيبش 100 مرة
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
