حلوى خرجتها من الأرشيف وش تسموها عندكم

السلام عليكم و رحمة الله تعالى و بركاته

كنت أنا و صاحبتي مسافرين طريق كاملة و هي تغنيلي في الأغاني الثراتية هبلتني المهم من بعد غناتلي أغنية صبر رشراش هههههههههههه قلتلها حنا عندنا نوع تاع حلوى قديمة بهذا الإسم بمكونات بسيطة لكن لذيذة جدا كباقي حلوياتنا تاع زمان
حبيت نعرف وش تسموه عندكم
الوصفة (جزائرية) :
4 بيضات أضربيهم مليح + صحفة سكر + صحفة زيت + فاني + 2 خميرة الحلويات و تضربي مليح و تشيحي بالفرينة .السر في نجاح الوصفة (جزائرية) في الفرينة لازم متشيّحيش ياسر يعني خلاها طرية تلسق في اليد و باه تجيك الخدمة ساهلة حطي يديك في الفرينة كي تكوني تسوي في العجينة فوق البلاطو تاع الكوشة كي متكتريش الفرينة تجي خفيفة كي تكثري تجي شايحة.
http://www4.0zz0.com/2014/01/25/18/399439586.jpg

البلاطو تاع الفرن(البلاطو تاع الفور العادي) يكون مدهون بالزيت مليح من ثم ابسطي العجينة فوقه و يدك كيما قلت بالفرينة خلي شوية عجينة نحتاجوها فيما بعد

فوق العجينة ضعي رطل مربى المشمش سويه بكميات متساوية .
العجينة لي خليتاها ربيها فوق المربى ب la rape على الجهة الرقيقة و هذا هو السبب لي خلاهم يسموها صب رشراش أنا عملت 2 بلاتوات واحد زينتو بالنواد كوكو و الآخر زينتو باللوز ايفيلي (مجرد إضافات من عندي)

حطيه في فرن مسبق التسخين على نار خفيفة يطيب من تحت و من بعد من فوق

كي تطيب قصيه مربعات و حطيهم في كيسات أنا مكانش عندي لي كيسات هاد المرة

ان شاء الله تستفادو من موضوعي خاصة المبتدئات

سلاااااااااام


http://www8.0zz0.com/2014/01/25/18/963807727.jpg
http://www10.0zz0.com/2014/01/25/18/697502604.jpg


http://www14.0zz0.com/2014/01/25/19/467353043.jpg
http://www10.0zz0.com/2014/01/25/18/875213702.jpg




https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©