قراتان ~ كُرات البطـــــــاطا بالبيشامال ~ سهل ولذيييذ

http://im42.gulfup.com/4mV4i.png

سلام جبتلكم اليوم اخواتي طبق ساهل ماهل ولذيذ في نفس الوقت ويصلح حتي كطبق ثاني في رمضان لي ميحبش يكثر واقتصادي صراحة منحتاجش بزاف مكونات وغير مكلفة
اسمحولي انا ماكنتش راح ندرجو في الموضوع مصورتش من الاول وكل الخطوات وانا عودتكم نصور كلشي لكن راهو ساهل تبعوا معايا

http://im42.gulfup.com/BtFZx.gif

-- نحتاج حبات بطاطا حسب أفراد العائلة مقشرة مغسولة وطايبة في الماء والملح عاااااااادي ، بعد ما طيب أرحيها بالباتور او امعسيها ملييح تكون ملساء ومن غير أي اضافات ونخليوها على جنب

-- الان بالنسبة للدجاج استعملي صدر أو شرائح داند متبلة (( ملح ، فلفل أسود ، فص ثوم ، م ص هريسة )) وشوي زيت
في مقلاة نطيب الدجاج مقطع مربعات صغار مع التوابل في شوي زيت مع التقليب مرة على مرة حتى يطيب

-- الان في نفس المقلاة منغسلهاش ونطيب فيها صوص البيشامال في نفس المقلاة تجي فيها ذوق الدجاج والتوابل ممممممم
صوص البيشامال (( 1 م ك زبدة ،2 م ك فرينة ، فروماج حوالي 50غ مع اضافة الحليب حتى تكون شوي سائلة ))

حطي الدجاج المتبل في المول
دوركا اقسمي البطاطا كميات متساوية أي كويرات حسب مساحة المول لي راح ديري فيه
في كف يدك حلى البطاطا حطي فيها شوي فروماج واغلقي وكوريها مليح اذا جاتك تلصق شوي ساعدي يدك بالماء أنا ملصقتليش
http://im42.gulfup.com/iDVTR.jpg

وحطيها في المول كيما تشوفي في الصورة
http://im42.gulfup.com/0VF8W.jpg
http://im42.gulfup.com/8dxlr.jpg

الان صبي صوص البيشامال فوقهم واذا تحبي ديري فوقو فروماج رابي

http://im42.gulfup.com/gKP9v.jpg
وحطيه في الفرن يكون سخووون من قبل لمدة ربع ساعة
شعلي من تحت 300° يطيب لمدة 10د في الاصل كلش طايب
ومن فوق خليه يتحمر لمدة 5د
وخرجيه من الفرن هاهو بعد ماطاب
http://im42.gulfup.com/QgRNK.jpg
http://im42.gulfup.com/GOarz.jpg

قولولي واش رايكم ماشي ساهل وميديش الوقت وزيد اقتصادي ؟؟؟؟؟؟ وزيد على هذا بنيييييين

نتمنى نكون أفدتكم بموضوعي البسيييييط
تحيــــــــــاتي





https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©