نداء عاجل إلى السيدة أم رامي

السلام عليكم و رحمة الله تعالى و بركاته
وشراكي اخت ام رامي للطبخ جزائري ان شاء الله لاباس
انا متابعة دايما لوصفات جزائريةك .. و ماشاء الله عليك متميزة دايما .. و محتاجة مساعدتك في الكارثة لي درتها
انا متعودة في لي تارت ندير الموسكوتشو تاع الزيت و الحليب و نزينها مي اليوم حبيت ندير جينواز لعيد ميلاد خويا
و لكن التارت جاتني هابطة و مكتلة .. مع اني تبعت الوصفة (جزائرية) لي درتيها في موضوعك تاع البياس مونتي( يبانلي تبعتها)
شوفي وش درت و قوليلي وين الخلل
6بياض طلعتهم مليح بالباتور مع نص كاس سكر مبعد 6صفار مع النص الاخر تاع السكر و مغرف صغيرة فاني طلعتهم مليح مبعد خلطت الخليطين .لكن كي كبيت خليط الصفار فوق البياض و بديت نخلط من الاسفل للاعلى تفاجات في الاسفل سائل شفاف يبانلي مابين ما خدمت الصفار البياض هبط
مبعد ضفت مغرف صغيرة خميرة نوارة و نص كاس نشا و كاس فرينة نحيت منو مغرف كبيرة و عوضتها بمغرف كاكاو
شعلت الكوشة سخونة دهنت البلاطو بالزيت (مكانش عندي الزبدة)و رشيت الفرينة و كبيت الخليط و دخلتها في الفرن كان سخون ( مع اني ما شعلتوش بكري لان كوشتنا تسخن بالخف)
خليتها 10د حليت عليها و دخلت موس لقيتها مازال ما نشفت .. زدتلها 5د و نحيتها كانت طالعة تهبل .. حطيتها تبرد شوي و بدات تهبطلي فجعتني وحدها تفشت .. و جيت نحيها لقيتها لاصقة نحيتها من الجوانب بالموس ..

فهميني تعيشي وينو الخلل .. راني محموصة .. حابة نعاود غدوة وحدة باهية بالشوكولا .. و نبعثلك طرف http://www.dzbatna.com/images/smilies/mh31.gif



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©