المساعد الشخصي الرقمي

مشاهدة النسخة كاملة : لكل المناسبات السعيدة حلوى لابياس مونتي حصريا من المطبخ جزائري الجزائري



walid
11-02-2013, بتوقيت غرينيتش 02:56 PM
السلام عليكم اخواتي
كيما وعدتكم نحط الحلويات جزائرية لي عملت في العيد ونبدأ بحلوى لابياس مونتي حلوى جديدة مناسبة للاعياد وكل المناسبات السعيدة يمكن نعملها باللوز فقط او نخلط اللوز مع الجوز ولي ماتقدرتش تعمل اللوز تعوضة بالكوكاو

المقادير:
250غ فرينة
80غ زبدة التوريق انا استخدمت صالحة ممكن اي ماركة اخرى ذايبة وباردة
فاني
ماء+ماء الزهر
م ص ملون ابيض نستخدم نتاع الميزان
الحشو:
3كيلات لوز مرحي
كيلة ناقصة شوية سكر احرش
بيض
فاني
التعسيل:
نحتاج الى
كيلة عسل اصطناعي
كيلة شربات
لتشكيل الحلوى نحتاج الى
طابع على شكل معين حجم كبير وصغير
لتشكيل الورود نحتاج الى طابع دائري مشرشف

نحتاج ايضا الى بياض بيضة

الطريقة:

اولا نحضر العجينة
نخلط الفرينة والفاني مع زبدة التوريق الذايبة والباردة نفركها جيدا نلمها بالماء وماء الزهر لازم تكون متماسكة ماتكونش طرية نغطيها بالنيلون ونخليها ترتاح

نحضر الحشو نخلط اللوز مع السكر والفاني ونضيف البيض تدريجيا حتى نتحصل على عجينة متماسكة نعجنها شوية باه يذوب شوية السكر نغطيها ونخليها ترتاح في الثلاجة على الاقل3 ساعات وهذا يخلي السكر يذوب مع اللوز ايضا

http:// (http://)http://cdn.top4top.net/i_6d179e6f6f1.jpg (http://up.top4top.net/)

ناخذ كمية من الحشو ونبسطه بالحلال على ورق الزبدة بسمك حوالي نصف سنتيم مالازمش يكون خشين لان راح نعمل طبقات

http:// (http://)http://cdn.top4top.net/i_c49f5ba5581.jpg (http://up.top4top.net/)

ناخذ كمية من العجينة نرش السطح بالنشاء نبسطها شوية بالحلال من بعد نفوتها في الماشينة الرقم3ثم 5 ثم 6
نحط العجينة لي كنا رققناها في الماشينة ندهنها غير شوية ببياض البيض بالبانسو من بعد الحشو لي بسطناه من بعد العجينة كما توضح الصورة

http:// (http://)http://cdn.top4top.net/i_3bf61aef061.jpg (http://up.top4top.net/)

بواسطة مول على شكل معين يكون من التعليم المتوسط الحجم نقطع معينات او مقروضات

http:// (http://)http://cdn.top4top.net/i_381f20b7e41.jpg (http://up.top4top.net/)

الان نبسط الحشو كيما عملنا في الاول ونحط فوقه العجينة يعني نفس العملية الاولى فقط مانعملش العجينة من الاسفل نعمل الحشو وفوقه العجينة ونقطع بطابع معين يكون اصغر من الاول
ندهن المعينات الكبار شوية ببياض البيض ونحط فوقهم المعينات الصغار ونثقب المعين الصغير من فوق ونحط الحلوى في البلاطو فوق ورق الزبدة

http:// (http://)http://cdn.top4top.net/i_85fb3cee751.jpg (http://up.top4top.net/)

الان نحضر الورود
ناخذ ملون احمر نضيفلو شوية ماء
من جهة نرقق العجينة في الماشينة حتى الرقم 8 يعني لازم تكون رقيقة بزاف
بالنسبة للطابع ممكن نستعمل لي حطيتو في الصورة الاولى او هذا

http:// (http://)http://cdn.top4top.net/i_df03600c1a1.jpg (http://up.top4top.net/)

نحط الطابع في الملون الاحمر ونطبع
من بعد ناخذ الدائرة لي شكلنا نطويها على اثنان ونعاود نطويها على اثنان مرة اخرى ونضغط من الاسفل راح تتشكل لي وردة
بواسطة كوردون نثبتها على الحلوى

http:// (http://)http://cdn.top4top.net/i_19b7030f351.jpg (http://up.top4top.net/)

وهكذا حتى نكمل كامل الحلوى

http:// (http://)http://cdn.top4top.net/i_3f66ce33091.jpg (http://up.top4top.net/)

لازم نخلي الحلوى ترتاح عدة ساعات قبل مانطيبها باه تحافظ على الشكل بعد الطهي

ندخلها تطيب في فرن مايكونش سخون على150 لازم نرقبها اثناء الطهي لازم يبقى لونها ابيض بعد ماتطيب باه تجي طرية نشعل من الاسفل من بعد نشعل من فوق المهم لونها يبقى ابيض
بعد ماتطيب وهي دافية نحطها في خليط العسل والشربات لي يكونو سخونين نخليها عدة دقائق باه تتشرب مليح العسل
من بعد نحطها فوق مشبك تقطر
بالنسبة للشربات نعمل كيلة سكر مع كيلة ونصف ماء ونحطها فوق النار لما يبدا يغلي الخليط نخليه 15د من بعد نطفي عليه
ناخذ كيلة من الشربات مع كيلة عسل اصطناعي نسخنهم ونعسل بهم الحلوى
نسخن الناباج اولاجولي وندهنها بالبانسو من فوق ونزينها بالعقاش الفضي ونحطها في ليكيسات وهذا شكلها النهائي

http:// (http://)http://cdn.top4top.net/i_083d2727f01.jpg (http://up.top4top.net/)

http:// (http://)http://cdn.top4top.net/i_ddbafb18bf1.jpg (http://up.top4top.net/)

عن قرب

http:// (http://)http://cdn.top4top.net/i_3f58716d7b1.jpg (http://up.top4top.net/)

نتمنى تعجبكم الحلوى وتكون الخطوات واضحة ولاتنسوني اخواتي من صالح الدعاء

في امان الله




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى