اجريو تذوقو قلب اللوز ديالي اممممم هايل_بالصور_

[loulou ange]

بسم الله الرحمن الرحيم
السلام عليكم وصحا رمضانكم
في الحقيقة كنت كل مرة نبحث عن وصفة (جزائرية) حقيقية لقلب اللوز نحب تاع الحانوت مي قررت باش نصنعها بيدي وفعل جاني ذوق رائع تقول راني شاريتها دون اطالة نخليكم مع المقادير

المقادير
1_قارورة ماء الزهر
كيلو سميد من التعليم المتوسط انا درت تاع المقروط
رطل سكر
قرصة قرفة ولا فاني(حسب الذوق)

الشاربات
1لتر ماء
200غ سكر

طريقة التحضير

جهزي المقادير ثم خلطي السميد مع السكر والقرفة وبداي تضيفي في ماء الزهر (ملاحظة: خدميه كيما نفتلو الطعام يعني غير بصباعتيك متضغطيش عليه ) حتى يولي يتلصق في يديك عينيك ميزانك
وممبعد سويه في صينية دون الضغط غير من الفوق بصباعك وخليها ترتاح اكثر من ساعة
شعلي الفرن وسخنيه مليح وفي هذا الحين حضري شاربات خلطي الماء مع السكر وخليهم يغلاو وننصحك متخليهمش يعقدو حتى يولو عسل لالا خليهم يغلاو شي 20 دقيقة وبرديها
ارمي الصينية تاعك في الفرن شعلي عليها غير من تحت حتى تشوفي الاطرف بنية ثم طفي من تحت وشعلي من فوق حتى تولي بنية
فور خروجها من الفرن اسقسها بالشاربات وطفي الفرن وعاودي رجعي الصينية للفرن وهو سخون وخليها فيه تتشرب الشاربات
ويقدم
المهم انا نظن بلي الصور راح تشرح مفصل مليح كاش استفسار راني في الخدمة
ولي تدخل ومتخليش رد راح نزعف منها

تحياتي وصحا رمضانكم

http://im33.gulfup.com/TCPDi.jpg

http://im33.gulfup.com/CLm1Q.jpg

http://im33.gulfup.com/aGYHu.jpg

http://im33.gulfup.com/a8dKP.jpg

http://im33.gulfup.com/WwkwI.jpg

http://im33.gulfup.com/j6vu8.jpg

http://im33.gulfup.com/6ndCS.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©