اذا معندكش الفرينة ايا معايا** مسكوتة بالخبز اليابس روووعة **

[linnou]

السلام عليكم ورحمة الله وبركاته
اهلا بكم احبائي ان شاء الله تكونوا بخير
اليوم جبتلكم مسكوتشو بالخبز اليابس
واقيلا جامي سمعتو بيها
حنا نرميو نرميو الخبز اليابس علاه مانستفادوش خير ونديرو بيه حاجة
انا اليوم جيت ندير مسكوتة مالقيتش الفرينة قلت نديرها بالخبز ونشوف
اول حاجة لازم نديروها هي الشاربات باه نديروها تبرد وتكون واجدة
انا درت
4 كيسان ماء
2 كيسان سكر وطرونش قارص
لما يعقد حطيه يبرد
وابداي ديري المسكوتشو تاعك

المقادير
4بيض
12ملعقة كبيرة سكر ماشي معمرة بزاف
8ملاعق زيت
8ملاعق حليب
2 خميرة
فاني
13ملاعق خبز يابس مرحي ومحمر شوي
3ملاعق فرينة
كوكاو اذا كاين
التحضير
نخلط البيض مليح ثم نضيفلو السكر

http://im23.gulfup.com/GAz19.jpg


ثم نضيف الزيت والحليب ونخلط
http://im23.gulfup.com/7oAT8.jpg


ثم نضيف الخبز والفرينة والخميرة والفاني وانت وعينك

http://im16.gulfup.com/idge1.jpg

نضيف شوي كوكاو ان امكن اذا ماكانش ماديريش

http://im16.gulfup.com/idge1.jpg
http://im16.gulfup.com/mc1n2.jpg

نم ندهن البلاطو بالزيت

http://im16.gulfup.com/0n6W3.jpg

ونفرغ الخليط ونرش فوقه الكوكاو وندخله الفرن مسخن مسبقا من تحت

http://im16.gulfup.com/rLS44.jpg

بقاتلي شوي درتها هنا
http://im16.gulfup.com/aE295.jpg



ندخلها ال فرن لما تحمار من تحت وتطلع وتنشف ندخل موس فيها اذا اخرجناه ناشف يعني طابت ونشعل لها من فوق لتحمار
بعد ما تحمار نخرجوها ونشربوها بالشاربات لي حضرنا لازم يكون بارد

http://im16.gulfup.com/693R6.jpg

نسيت باه نصورها وهي مقطعة
جربوها وماراح تندمو امانة ليكم
بنينة بزاف انا كي عجبت تاع الدار صرت كل مرة نديرها
واي استفسار راني هنا
ادعيولي ربي ينجحني في الباك نتاعي و يعجلي في امري
والسلام عليكم





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©