المساعد الشخصي الرقمي

مشاهدة النسخة كاملة : واخيرا نجحتلي قلب اللوز



salima
11-02-2013, بتوقيت غرينيتش 10:01 AM
السلام عليكم
من العنوان راكو فهمتو ..... من مدة طويلة و انا نسيي لي غوسات
نتاع قلب اللوز و دايما ما تنجحش حتى حشمت قدام عايلتي
هاذ المرة درت هاذ لا غوسات حصيلة التجارب اللي فاتت
المقادير
500 غ دشيشة (دقيق حرش)
350 غ سكر (وزنتها عند الحانوت)
نص فنجان زبدة . شوي ملح
ماء +ماء الزهر
الحشو
كوكاو مطحون
شوي كاكاو و شوي قرفة
الشاربات
500 غ سكر
لتر ماء
نص ليمونة
فنجان صغير ماء الزهر
طريقة التحضير
في الليل طيبت الشاربات
درت الماء +السكر + نص الليمونة و منين بدا
يغلي حسبت ربع ساعة و طفيت وزدت ماء الزهر
من جهة اخرى
درت الدشيشة + الملح + السكر و حكيت مليح
و دوبت الزبدة و زدتها و حكيت مليح مليح
عبرت فنجان (نتاع القهوة بالحليب) نصو ماء و
نصو ماء الزهر و رشيت و حركت بصباعي
كيما نديرو الكسكس و غطيته و خليتو يبات
http://im13.gulfup.com/2014-02-28/1330431601901.jpg
في الصباح شعلت الفور على 160 درجة
و عبرت فنجان اخر نصو ماء و نصو ماء الزهر
و رشيت الخليط و حركت بصباعي و قسمتو
دهنت المول و حطيت نص الخلطة بلا ما نضغط
و رشيت الحشو و زدت باقي الخليط و سويتو
غير بصباعي قطعتها و دخلتها طيب حوالي
http://im13.gulfup.com/2014-02-28/1330431759541.jpg
45 د حتى حمارو الجناب مليح و حمرتها من الفوق
سقيتها بالشاربات البارد و رجعتها في الفور وهو
طافي و هاهي النتيجة
http://im23.gulfup.com/2014-02-28/1330431847321.jpg
http://im13.gulfup.com/2014-02-28/1330432324401.jpg



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى