المساعد الشخصي الرقمي

مشاهدة النسخة كاملة : حلوة المفشش



romaissa
11-02-2013, بتوقيت غرينيتش 09:35 AM
حلوة المفشش
المقادير
كيلة مارغرين دائبة
كيلة سمن دائب
كيلة حليب
1 خمارة حلوة

الحشو
حلوة الترك
وادا لم يكن متوفر عندك ديري كيلة كوكاو مرحية مليح مع 2 كيلات سكر عادي ولميهم بماء الزهر من الاحسن الكوكاو يكون مقلي مليح مليح باش يمد ريحة بنينة

للتزيين
معجون المشماش
قاطو بيمو مرحي رقيق

التحضير
نخلط المارغرين الدائبة مع السمن اوالزيت والحليب نخلطهم مليح مليح
من بعد ندير الفرينة بالشوية مع الخمارة حتى تتلم العجينة ونتحصل على عجينة طرية
نتركها ترتاح في الثلاجة لمدة 15 د

بعد دالك نخرجها ونحلها بالحلال مليح سمك نصف سنتمتر

ونقطع دوائر قطرها 8 سنتمتر
ونضع في وسط كل دائرة ملعقة من الحشو الي موجود عندك من الاحسن حلوة الترك
نغلق حبات الحلوة مليح بالضغط عليها جيدا في الاطراف
وعندما نكمل كل الكمية الموجودة عندنا نضعهم في صينية غير مدهونة
ونكون شعلنا الفرن من قبل
نضعهم على درجة حرارة 120 درجة
لازم تكون درجة الحرارة ضعيفة باش تطيب مليح الحلوة من الداخل
ندخلها الفرن
وعندما تطيب نخرجها من الفرن ونتركها ترتاح وتبرد مليح
نحضر المعجون باضافة القليل من ماء الزهر اليه ونخلطه جيدا
نضع حبات الحلوة في المعجون وبعدها في القاطو بيمو المرحي رقيق
ونخليهم ينشفو مليح مليح
ثم نعاود نرمدهم في القاطو مرة اخرى
وبعدها مباشرة الى الكيسات
وهكدا تكون الحلوة جاهزة للتقديم
اتمنى ان تعجبكم الحلوة
من كل قلبي
المخلصة دائما لمنتدى ديزاد باتنة حنان



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى