المساعد الشخصي الرقمي

مشاهدة النسخة كاملة : تارت بلاكريم باتيسيار حاجة جديدة من عند مونية ك



linnou
11-02-2013, بتوقيت غرينيتش 09:23 AM
جبتلكم قاطو جديد ان شالله يعجبكم خدمتو وماعنديش بزاف مكونات في الدار وراجلي كي مايحبش القاطو مايشريش قع حوايج القاطو ههههhttp://www.dzbatna.com/images/smilies/mad.gifhttp://www.dzbatna.com/images/smilies/mad.gif
وكي نخرج نبروفيتي نشري نشري وهكذاك نسى دايما كاش مكون ولا زوجhttp://www.dzbatna.com/images/smilies/1.gif
وكنت حابة قاطو وخلاص المهم حاجة حلوة وهذا اللي لقيتو في الدار http://www.dzbatna.com/images/smilies/rolleyes.gif
المهم درت هاد التارت ان شالله تعجبكم
راجلي مايحبش القاطو هذا عجبو وبقالي مورصو كبير منو جاتني ضيفة عجبها حتان خلاص قاتلي هايلة كيفاش درتيها ههههه وماعلابالهاش بللي انا اللي اخترعتها هههههه

المهم نخليكم مع المقادير
درت فرينة تقريب 2 كيسان ونص كاس زيت و2 مغارف كبار سكر ومغرفة كبيرة كاكاو وقطراما زهر على جال البنة برك يتخلطو مليح ماتخافوش ماتجيش لابات مشمخة مام يابسة ماعليش المهم تكون مبسسة
تفرشوها في البلاطو وتدخلوها للفرن تطيب حتان تنشف مليح وتشوفيهاطابت ولات حمرا قع في الجوانب ويابسة خرجوها ودقدقوها وخلوها تبرد من بعد ارحوها بالروبو
اسمحولي ماصورتش المرحلة هادي خاطرش ماكنتش ناوية نصورها قلت حتان نشوف اذا تنجحلي ولا لا ومن بعد قلت اذا نجحت على الاقل تبقى التصاور رحت نجري جبت لاباراي وبديت التصاور اذا مليحة نحطها واذا لا نمحيها http://www.dzbatna.com/images/smilies/biggrin.gif


المهم سلامات جات هايلة
هنا اول صورة كي خرجتها من الفرن سخونة فتتها بالفارشيطة


http://im35.gulfup.com/1hHW1.jpg

وهنا رحيتها بالروبو ولميتها بشوية زبدة ذايبة وبواطة نتاع دانيت ومغرفة كبيرة نتاع لافاني وشوية حلوة الترك كانت بقاتلي من المولود ماشي شرط اللي ماعندهاش ولات كي شغل لابات بريزي كيما في الفوطو
http://im35.gulfup.com/q5l12.jpg

هذي الدانيت ولافاني
http://im35.gulfup.com/fXLb3.jpg

هنا شديت سينية وغلفتها قع بالنيلون اليمونتار وحطيت لابات فوقها وفتحتها بيدي مليح
http://im35.gulfup.com/dIKh4.jpg
من بعد عاودت غطيتها بالنيلون خاطرش لازم تدخل للفريجيدار تبرد مليح وتشد روحها
وبيانسور بنتي حطت يديها للبركة هههhttp://www.dzbatna.com/images/smilies/1.gif

http://im35.gulfup.com/Q5GH5.jpg

وهنا كي غلفتها قع باش تدخل للفريجيدار كيما قلتلكم
http://im33.gulfup.com/9c5D1.jpg

وفي الوقت اللي كانت فيه في الفريجيدار وجدت لاكريم باتيسيير اسمحولي ماصورتش هاد المرحلة
هي نص لتر حليب و5 مغارف سكر و2 صفار بيض ولافاني 4 مغارف فرينة وتخلطي كلشي عالبارد من بعد تحطيه على النار وكملي خلطي حتان تعقاد وتولي كريمة
نحيها من النار وخليها تبرد مليح من بعد شدي الباتور وضربيها مليح خاطرش تلقايها جمدت نورمال ماتتقلقوش زيديلها عصير حبة قارص وحبة برتقال
وفرغيها فوق لاتارت نتاعك وعاودي غطيها ودخليها للفريجيدار
http://im33.gulfup.com/RVMk2.jpg

من بعد وجدت عصير ' برتقالات كبار او اكثر كل واحدة شحال تحب وسكر حسب الذوق وكاس ماء و 3 مغارف مايزينة واللي ماعندهاش تدير فرنة في بلاصتها نفس النتيجة تخلطيهم مليح من بعد تحطيهم فوق النار وتبداي تخلطي حتان تعقاد مليح وتنحيها وكملي خلطي مليح باش ماتتحببش وتبقى رطبة وفرغيها فوق لاتارت نتاعك
كيما الصورة
http://im34.gulfup.com/T2d61.jpg

http://im34.gulfup.com/OnTX2.jpg



وتعاودي تغطيها بالبلاستيك وتدخليها للفريجيدار تبرد مليح وكي تبرد اجبديها وديكوريها كل واحد كيفاش يحب
انا ذوبت شوية شوكولا ورسمت وزينت شوية بتشينة خاطرش نتاع تشينة http://www.dzbatna.com/images/smilies/biggrin.gif
وتقدري تديري ميرانغ فوقها ولا كريم شانتيي كل واحدة وكيفاش تحب تديكوري
انا هذا اللي كان واجد عنديhttp://www.dzbatna.com/images/smilies/confused.gif غير الشوكولا

http://im34.gulfup.com/GUAq3.jpg

وهنا اقرب
http://im32.gulfup.com/EQ0R1.jpg

وخليتها تبرد مليح حتى الغدوة من داك باش قطعتها يعني شدت روحها مليح

وهذي لاول واحدة تردhttp://www.dzbatna.com/images/smilies/1.gif
http://im35.gulfup.com/WufV1.jpg



وهذي للي تمدلي رايها بصراحةhttp://www.dzbatna.com/images/smilies/cool.gif

http://im31.gulfup.com/vVAc1.jpg


ان شالله تكون عجبتكم اسمحولي على المراحل اللي ماصورتهمش



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى